Törek matbuğatına küzätü 06.08.2018
6 nçı avgust könne basılıp çıqqan qayber törek gazetlarına küzätü
“Vatan” gazetı ”Tışqı êşlär ministrlığınnan Greśiyägä reakśiya” isemle xäbärendä Törkiyä tışqı êşlär ministrlığı süzçese Hami Aksoynıñ Greśiya ğadälät ministrı Stavros Kontonisnıñ Törkiyädä êzlänüçe terrorçılar isemlegendä urın alğan Törkiyä kommunist partiyäse /Marksist-leninçıl äğ’zası Turgut Kayanı qaytarıp birüne kire qağuına reakśiya belderüe turında yaza.
”Xäbär Törek” gazetı “Ministr säwdäneñ yaña yul kartası planın açıqladı” isemle xäbärendä säwdä ministrı Ruhsar Pekcannıñ Törkiyäneñ êksport atakasınıñ däwam itäçäge turında äytüen citkerä.
Gazet yazuınça, Pekcan “İllär strategiyälärenä qarap yaña bazarlarğa keräçäkbez. Bu qısada Qıtay, Latin Amerikası, Hindıstan, Meksika häm Afrika kebek potenśial bazarlarğa yünäläçäkbez”dide.
”Star” gazetı “Törkiyäneñ avtomobil’ tarmağı êksportı iyül’ ayında arttı” isemle xäbärendä avtomobil’ industriyäseneñ iyül’ ayı êksportınıñ uzğan yılnıñ şul uq ayına kürä 13,8%qa artıp 2 milliard 765 million dollarğa citüen uquçıları belän urtaqlaşa.
”Xörriyät” gazetı “La –Manş diñgezen iñ tiz yözep uzuçı törek xatın-qızı” isemle xäbärendä sportçı Bengisu Avcınıñ Angliya belän Franśiya arasında urnaşqan La-Manş diñgezen iñ tiz yözep çığuçı törek xatın-qızı bularaq tarixqa terkälüen xäbär itä.
Gazet beldergänçä, yäş’ sportçı cılılığı 14-17 gradus bulğan buğazda 36 çaqrım özleksez yözde.
“Sabah” gazetı “Törkiyäneñ täwge êlektr belän êşläwçe avtobusı Hacättäpädä xezmät kürsätäçäk” isemle xäbärendä Törkiyäneñ berençe cirle tulısınça êlektr belän êşläwçe avtobusınıñ Änkarada Hacättäpä universitetında uquçı yäş’lärgä xezmät kürsätäçägen citkerä.
