• Video galereyası

Törek matbuğatına küzätü 10.07.2018

10nçe iyül’ könne çıqqan qayber törek gazetalarına küzätü

Törek matbuğatına küzätü 10.07.2018

 

“Sabax” gazetı Ärdoğan süzläre belän “95 yıllq cömhüriyätebezne yaña sistema belän alğa cibäräbez” dip yaza.

İlbaşı Räcäp Tayyip Ärdoğan yaña kabinetnı iğ’lan itkändä yasağan çığışında: “Bügen millätebezgä 95 yıllıq cömhüriyätebezne yaña idarä anlayışı belän üsterergä süz biräbez. Xalqıbız bezgä täêmin itkäm bu mömkinlekne iñ yaxşı räbeştä qullanıp köçle mäcles, köçle xökümät, köçle Törkiyä öçen yulğa çığabız,”-dide.

“Watan” gazetında “Tantanada qatnaşuçılarğa mäğ’näle büläk” yazması dön’ya kürde.

Bäştäpädäge ilbaşı xökümät sistemasına kiçü tantanasında qatnaşuçılarğa istälekle 1 liralıq täñkälär öläştelär. Anıñ östenä data häm ilbaşı kölliyäteneñ raseme bastırılğan. Şulay uq, täñkälärgä “Räcäp Tayyip Ärdoğan, ilbaşı” dip yazılğan häm imza quyılğan.

“Yaña Şäfaq” gazetı “Törkiyä bezne qotqarsın” dip yaza.

Törkiyä belän AQŞ arasındağı kileşügä qaramastan PKK terrorçı oyışması Mänbiçtän çigenmäde. Mänbiç xalqı, Törkiyäneñ bu êşkä qatnaşıp, şähärne terrorçılardan çistartuın teli.

“Star” gazetı “Törkiyäneñ maşina êksportı yılnıñ berençe yartısında 8,3 milliard dollarğa arttı” dip xäbär itä.

Törkiyä çit ilgä maşina çığarunı arttırdı. Yılnıñ berençe yartısında, 2017nçe yılnıñ şul uq çorı belän çağıştırğanda, 20% üseş küzätelä. Tarmaqnıñ monnan kereme 8,3 milliard dollar.  

“Yaña Şäfaq” gazetı “200 million dollarlıq yaxta Marmarista” di

Muğlanıñ Marmaris ilçäsenä yakor’ taşlağan mega-yaxta “Feyç” küplärne qızıqsındırdı. Anıñ ozınlığı 97 metr. 200 million dollarlıq yaxta Kayman utrawları bayrağın yörtä. Anı ilçädäge pristan’narğa sıymawı öçen Kruiz Portındağı zur pirsqa kiterdelär.    



Bäyläneşle xäbärlär