Törek matbuğatına küzätü 02.05.2018
2 nçe may könne basılıp çıqqan qayber törek gazetlarına küzätü
“Xörriyät” gazetı” Ärdoğan tarixi oçraşunı bäyäläde” isemle xäbärendä Törkiyä ilbaşı Räcäp Tayyip Ärdoğannıñ Könyaq Koreya däwlät başlığı Mun Çji İn belän küreşep söyläşüe turında yaza.
Xäbärdän kürengänçä, Ärdoğan Tönyaq Koreya liderı belän Könyaq Koreya däwlät başlığı oçraşuı xaqında “Dönyadağı qurqu, borçılu-qayğılarnı beterüçe oçraşu buldı. Bu qatğıylıqnıñ monnan soñ da däwam itüen telibez”dide.
”Xäbär Törek” gazetı “Çavuşoğlu Lavrov belän Süriyä xaqında söyläşte” isemle xäbärendä Törkiyä tışqı êşlär ministrı Mävlüt Çavuşoğlunıñ Rusiya Federaśiyäse tışqı êşlär ministrı Sergey Lavrov belän Süriyä häm Xoms töbägendäge täräqqiyät’lär xaqında telefonnan söyläşüen citkerä.
”Star” gazetı ”Albaniya pre’yer-ministrı “FETÖ/PYD”nıñ qurqınıç çeltär buluın belderde” isemle yazmasında Albaniya prem’yer-ministrı Êdi Ramanıñ “Fätullahçı terror oyışması /parallel’ däwlät qorılışı”nıñ qurqınıç çeltär buluı turında belderüen xäbär itä.
Gazet yazuınça, Rama Albaniyanıñ “Ora News” televideniyesendä “Törkiyädä saylanğan xökümätne qorallar belän bärep töşerü kereşüe başqaruçı oyışma bik qurqınıç. Albaniyada bu çeltärgä bäyle buluı uylanılğan keşelärne iğ’tibar astında totabız”dide.
”Vatan” gazetı “Törek ağımı” Törkiyä çik buyına kilep citte” isemle xäbärendä “Törek ağımı” tabiği gaz ütkärgeçeneñ 2 liniyäsennän berençeseneñ Törkiyäneñ Qara diñgez yar buyına kilep citüen uquçıları belän urtaqlaşa.
”Sabah” gazetı ”Milli köräşçe Rıza Kayaalp Awrupa çempionı buldı” isemle xäbärendä Awrupa köräş çempionatında 130 kilogramm awırlıqta köç sınaşqan törek sportçısı Rıza Kayaalpnıñ finalda köndäşen 2-1 isäbe belän ciñep altın medal’ yawlawın citkerä.
