Törek matbuğatına küzätü 27.04.2018
27nçe aprel’ könne basılıp çıqqan qayber törek gazetlarına küzätü
“Sabah” gasetında “Ärdoğan Guterriş belän telefonnan söyläşte” isemle yazma urın alğan. Anda ilbaşınıñ BMO ğomum särqatibe Antonio Guterriş belän telefon aşa söyläşüe xaqında äytelä. Äñgämä fälästinle möhacirlärgä yärdäm oyışmasına bulışlıq itü xaqında bula. Şulay uq, Süriyädäge soñğı wäzğıyät’ne dä telgä alalar.
“Star” gazetında “Ozın radiuslı Bora-2 raketası kilä” yazmasında milli saqlanu ministrı Nuretdin Caniklineñ yaña raketa sistemasın yasaw turındağı belderüe urın alğan. Bora-1neñ täcribäläre 2017nçe yılda tamamlandı. Täwge milli raketa Törkiyä Qorallı köçläre tarafınnan qullanıla başladı. Xäzer anıñ tağın da kamilläşkän versiyäse Bora-2ne yasaw öçen êşçänlek başlandı.
Şulay uq “Star” gazetı “Törkiyä keşesez hawa apparatları öçen motor sataçaq” dip belderä. Älegä tovarnı çittän satıp aluğa çik quyu öçen uñışlı adımnar yasala. Törkiyä tizdän keşesez hawa apparatları öçen motor çığara başlayaçaq.
Watan gazetı “Törkiyädä “Cirle daru” höcüme” isemle yazma urnaştırğan. Anda daru çığaru tarmağında yaña proyıkt tormışqa aşıru turında süz bara. Näticädä Törkiyädä çıqqan darularnıñ qıymmäte 6 milliard törek lirası külämenä ireşäçäk.
