Törek matbuğatına küzätü 03.04.2018

“Xäbär Türk” gazetı: “Kreml’dän Putinnıñ Törkiyä säfäre aldınnan belderü”

Rusiyä İlbaşı sarayı (Kreml’neñ) tışqı säyäsät kiñäşçese Yuriy Uşakov jurnalistlarğa Rusiyä Däwlät başlığı Vladimir Putinnıñ Törkiyägä yasayaçaq säfäre belän bäyle bularaq açıqlawlar yasadı. Uşakov Putinnıñ İlbaşı Räcäp Tayyip Ärdoğan belän söyläşüe waqıtında ike il mönäsäbätlärendäge töp mäs’älälär belän bergä Süriyä mäs’äläse belän ber rättän regional’ häm xalıqara temalarnın quzğatıluınıñ kötelüen belderde.

“Sabah” gazetı “Yaña “SARP”lar kilä! (Cirle häm milli qorallar)”

“ASELSAN” xärbi êlektronika sänäğäte tank, taktik çilbırlı texnika häm staśionar qorılmalarnıñ saqlanıluı maqsatınnan çığıp qamilläştergän “SARP” yıraqtan idaräle qoral sistemasınnan bügengä çaqlı yaqınça ber meñ 350 tanä êşläp çığardı. “SARP”larnıñ ber meñe il êçendä qullanıla, qalğanı çit ilgä satıldı. ASELSAN yaqın waqıtta “SARP” ğailäsenä yaña êşlänmälärne östärgä äzerlänä.

“Watan” gazetı: “Törkiyädän iskitkeç uñış: Törkiyä qoralları belän qızıqsınabız”

Görcestan (Gruziya) saqlanu ministrı Levan Izoria Törkiyäneñ xärbi häm texnika ölkäsendä üseşkä ireşüen häm Törkiyä qoralları belän qızıqsınuların äytte.  Izoria 30nçı martta başlanğan Änkaradağı 2 könlek säfäre qısalarında Saqlanu ministrı Nurettin Canikli belän Giräsunda oçraştı. Izoria: "Xezmättäşlek belän qızıqsınabız häm xäzerge waqıtta xärbi-teknika ölkäsendä xezmättäşlek öçen waqıt bilgelädek. Bu ölkädä Törkiyäneñ ireşkän möhim barışı bar, bu xalıqara däräcädä dä tanıla. Bez dä tabiği bularaq qorallı köçlärebezne modernläştergän çaqta sezneñ şuşı uñışlarığız belän bik qızıqsınabız häm bu êş törkeme qısalarında şuşı xezmättäşlekneñ kiläçäktä dä däwam itüen telibez”, - dip äytte.

“Star gazetı: “Antaliya turizmında mart rekordı”

Antaliya vilayät başlığı (gubernatorı) Münir Qaraloğlu sośial’ media xisabınnan yasağan belderüendä 2017nçe yılnıñ mart ayında şähärgä 165 meñ turistnıñ kilüen, bıyıl şul uq çorda sannıñ 286 meñgä citüen açıqladı. 2017nçe yılnıñ mart ayına qarağanda 73%lıq, yılnıñ 3 ayında isä 47%lıq artış buluın belderüçe Qaraloğlu 2018nçe yıl öçen bilgelängän “14 million turist” maqsatınnan ömetle buluın äytte.

“Xörriyät” gazetı: ““UEFA”dan Mäliz Özçiğdämgä kürä”

Xalıqara Futbol federaśiyası (FIFA) kokartlı xatın-qız sud’yası Mäliz Özçiğdäm häm FIFA kokartlı yärdämçe sud’ya Däybät Gök 19 yäş’tän keçeräk qızlar arasında Awrupa çempionatı 2018 Elit turı 5nçe törkem matçlarında wazıyfa başqaraçaq. Törkiyä Futbol federaśiyasınnan yasalğan belderügä kürä, 4nçe-10nçı aprel’ könnärendä Macarstanda (Vengriyada) uynalaçaq çarada Özçiğdäm häm Gök wazıyfa başqaraçaq 5nçe törkemdä Macarstan (Vengriya), Niderland, Şveśiya häm Sloveniya taqımnarı (komandaları) köç sınaşaçaq.