Törek matbuğatına küzätü 28.02.2018

“Star” gazetı: "Aljir belän milliard dollarlıq kileşü imzalandı”

İlbaşı Räcäp Tayyip Ärdoğan Törkiyä-Aljir êş forumında yasağan çığışında: "Aljirnıñ milli ênergetika şirkäte “SONATRACH” belän ilebezneñ aldınğı firmalarınnan bulğan “Rönesans” häm “Bayegan” arasında Adanada Yumurtalık irekle töbägendä 1 milliard dollar külämendä nefteximiya investiśiyası ölkäsendä kileşügä ireşelde”, - dip äytte.

“Sabah” gazetı: "Törkiyädän Çexiyağa nota”

Törkiyä “PKK” separatist terror oyışmasınıñ Süriyädäge däwamı “PYD-YPG”neñ atamannarınnan Salih Müslimne irekkä cibärgän Çexiyağa nota birde. Aljirda bulğan Tışqı êşlär ministrı Mäwlüt Çavuşoğlu jurnalistlarğa mäs’älä belän bäyle bularaq bäyäläw yasadı. “PYD-YPG” atamanın Çexiya mäxkämäseneñ azat itüenä reakśiya kürsätüçe Çavuşoğlu: "Çexiyağa nota birdek, bu êşne küzätep toraçaqbız”, - dip äytte.

“Watan” gazetı: "Şimşäktän êksportçılarğa yullama”

Prem'yer-ministr urınbasarı Mäxmät Şimşäk İstanbulda yärminkäne açıp cibärgän çaqta yasağan belderüendä, Törkiyäneñ bügennän kübräk êksportqa tayandıruı kebek maqsatı buluın belderep, tarmaq wäkillärenä: "Xökümät bularaq sezneñ yanda bez, härtörle yärdämne kürsätergä äzer bez”, - dip yullama yasadı.

“Xäbär Türk” gazetı: "Qazaqstannan törek êşmäkärlärenä 47 kapital salu proyektı täq’dime”

Qazaqstan törek êşmäkärlärenä iq’tisadnıñ törle ölkälärendä 47 investiśiya proyektın täq’dim itte. Qazaqstan Ministrlar Kabinetınnan yasalğan yazma belderüdä “Kazakh Invest” milli investor şirkäte idarä şurası başlığı Saparbäk Tuyaqbaevneñ uzğan atnada Törkiyägä yasağan säfäre qısalarında törek êşmäkärläre belän oçraşuı äytelde. Oçraşu waqıtında Tuyaqbaevneñ Törkiyä êşmäkärlärenä Qazaqstanda törle tarmaqlarda 47 zur investiśiya proyektın täq’dim itüe belderelde.

“Yäni Şafak” gazetı: "Dön’yada berençe tapqır Törkiyädä sınap qaralaçaq”

İspaniyada dönya däwläre belän Törkiyä arasında bik möhim kileşügä imza salındı. Transport, diñgezçelek häm êlemtä ministrlığınıñ qatnaşuı belän Mobil’ Bötendönya kongressında tözelgän kileşü belän 5G häm yaña buın êlemtä texnologiyaları dönyada berençe märtäbä Törkiyädä sınap qaralıp, tormışqa aşırılaçaq.