Törek matbuğatına küzätü 12.02.2018

, “Xörriyät” gazetı ”Problemalar xaqında söyläştelär” isemle xäbärendä Törkiyä ilbaşı idaräse süzçese İbrahim Qalınnıñ Amerika Quşma Ştatları mlli iminlek kiñäşçese general-polkovnik H.R. McMaster belän İstanbulda küreşüe turında yaza.

Xäbärdän kürengänçä,oçraşuda  Törkiyä häm AQŞnıñ ozın möddätle strategik partnyerlıq mönäsäbätläre,regional’ täräqqiyät’lär söyläşelde.  

”Xäbär Törek” gazetı” Ğomum ştab başlığı Akardan Afrin belderüe” isemle xäbärendä Törkiyä ğomum ştab başlığı armiya generalı Hulusi Akarnıñ Hatayda “Zäytün botağı” xäräkäte belän bäyle tikşerülär ütkärüen , xäräkät maqsatınıñ çik buyı töbägendä  häm Afrinda tınıçlıq,iminlek ,totrıqlılıq urnaştıru,töbäk xalqın terrorçılar zolımınnan qotqaru häm Törkiyädäge süriyälelärneñ imin räweştä illärenä qaytuın täêmin itü buluın xäterlätüen belderä.

”Vatan” gazetı ”Gaz Toz külennän” isemle xäbärendä Toz külendä tabiği gaz berekterü êşçänlekläre başlanuın xäbär itä.

 Aksaraynıñ Sultanhanı ilçäsendä tözelgän häm 2023 nçe yılda tulı sıydırışlılıqqa ireşäçäk qorılma belän Törkiyäneñ toraqlarda 1 yıllıq tabiği gaz qullanunıñ  yaqınça 50%ın qanäğät’länderä alaçaq 5 milliard 400 million  kub metr tabiği gaz berekterep ixtıyac bulğanda qullanu küzdä totıluın citkerä.

”Star” gazetı “Xökümät yaña  hawa mäydanına 2 täwlektä küçenäçäklären belderde” isemle xäbärendä Törkiyä transport, diñgezçelek häm êlemtä ministrı Äxmär Arslannıñ İstanbulda tözelüçe yaña hawa mäydanınıñ 80%ınıñ tämamlanuı aêroportnıñ 29 nçı oktyabr’dä qullanılışqa tapşırılaçağın ,2 täwlek êçendä küçenep 1 täwlektä oçışlarnı başlataçaqları turında äytüen uquçıları belän urtaqlaşa.

”Yäni Şafak” gazetı ”Bozlıqlarnı tikşerüçe törek ğalimäse” isemle xäbärendä törek ğalimäse dośent doktor Burcu Özsoynıñ 2 nçe milli Antarktika fänni säfär törkemen citäkläp Törkiyäneñ häm xatın-qızlarnıñ ğorurlığı buluın, törkemdä 4 se xatın-qız tuplam 27 qatnaşuçı urın aluın, bıyıl 10 ğalimäneñ qıytğada tikşerenülär alıp baraçağın belderüen citkerä.