Törek matbuğatına küzätü 08.02.2018

“Watan” gazetı: “Ärdoğan “Qudüs yäş’lär başqalası” maqtawlı başlığı bulıp saylandı”

İlbaşı Räcäp Tayyip Ärdoğan "Qudüs 2018 İslam dönyası yäş’lär başqalası” programmasınıñ mötäwälli wäkillekneñ maqtawlı başlığı itep saylandı. İslam xezmättäşlek oyışmasına bäyle İslam konferenśiyası dialog häm xezmättäşlek yäş’lär forumı belän Fälästin yäş’lär häm sport ministrlığınıñ xezmättäşlegendä oyıştırılğan "Qudüs 2018 İslam dönyası yäş’lär başqalası” programmasınıñ açılışı öy xucası Fälästin Däwlät başlığı Mahmut Abbas bulğan Fälästindä yasaldı.

“Yäni Şafak” gazetı: “İlbaşı idaräse süzçese Qalın: “Zäytün botağı xäräkäte planlaştırılğan räweştä uñışlı däwam itä””

İlbaşı idaräse süzçese İbrahim Qalın, Törek qorallı köçläreneñ Süriyäneñ Afrin töbägendä ütkärüçe “Zäytün botağı” xäräkäteneñ planlaştırılğanı kebek uñışlı räweştä däwam itüen belderep, “PYD/PKK” terror oyışmasınıñ ber men tiräsendä terrorçısınıñ täêsirsez xälgä kiterelüen äytte.

“Star” gazetı “Törek xärbiläreneñ Ğadän qultığındağı wazıyfa waqıtı ozınaytıldı”

Törek qorallı köçläreneñ dingez kontingentınıñ Ğadän qultığı, Somali su kiñlege, Ğaräbstan diñgeze häm tirä-yağındağı töbäklärdä wazıyfa möddäten tağın ber yılğa ozınaytuçı Ministrlar Kabinetı kürsätmäse Törkiyä Böyek Millät Mäclese ğomum şurasında qabul itelde.

“Xäbär Türk” gazetı: “Çavuşoğlu İranda”

Tışqı êşlär ministrı Mäwlüt Çavuşoğlu räsmi oçraşular ütkärü öçen İran başqalası Tähranğa kitte. Oçraşuları qısalarında İran Tışqı êşlär ministrı Cävad Zarif belän küreşkän Çavuşoğlunı soñınnan İran İlbaşı Hasan Ruhani qabul itte. Söyläşüdä ike yaqlı mönäsäbätlär häm kön tärtibendäge regional’ mäs’älälär quzğatıldı.

“Xörriyät” gazetı: “Awrupa Berlege ministrı Çäliktän viza açıqlawı”

Törkiyäneñ Awrupa Berlegennän cawaplı ministrı Ömär Çälik, Törkiyä Böyek Millät Mäclesendä Awrupa Berlege ahäñ komissiyası başlığı häm äğzaläre belän oçraşıp, açıqlawlar yasadı. Çälik Awrupa Berlege belän alıp barılğan “viza irege” söyläşüläre belän bäyle bularaq: “Viza belän bäyle êşçänlekne tämamladıq. Törkiyä üzeneñ böten yöklämälären ütäde. Qaraşıbızça, 72 kriteriyneñ barısı da başqarıldı”, - dip äytte.