Törek matbuğatına küzätü 07.02.2018
7nçe fevral’ könne basılıp çıqqan qayber törek gazetlarına küzätü
“Yäni Şafak” gazetı: "Ärdoğan: “Münbiçkä kiläçäkbez”
İlbaşı häm “Aq” partiya ğomum başlığı Räcäp Tayyip Ärdoğan partiyasınıñ Törkiyä Böyek Millät Mäclesendäge törkem cıyılışında çığış yasadı. Ärdoğan, “Zäytün botağı” xäräkäteneñ uñışına basım yasap, Münbiçneñ dä terrordan çistartılaçağın belderde. Ärdoğan: “Bez Münbiçkä cirlärneñ töp xucalarına tapşıru öçen kiläçäkbez”, - dip äytte.
“Star” gazetı: "Çavuşoğlu: “Amerika Quşma Ştatlarınnan berdänber telägebez: terrorçılıqqa bulışlıq itmäsennär häm külägä bulıp tormasınnar”
Tışqı êşlär ministrı Mäwlüt Çavuşoğlu şäxsi ber televideniye kanalında yasağan açıqlawlarında Törek qorallı köçläreneñ Süriyäneñ Afrin töbägendä alıp baruçı “Zäytün botağı” xäräkäte belän bäyle bularaq: “Ni öçender bez “PKK/YPG” terror oyışmasına qarşı operaśiya başlatqan çaqta här mizgeldä härkem “terrorçılıqqa qarşı operaśiya başlatmağız” dip äytä almıy, tınıç xalıq yağınnan bu xäräkätne ähämiyätsez itep qılırğa tırışa yäisä şul yaqtan tänqitlärgä tırışa. Bezneñ Amerika Quşma Ştatlarınnan telägebez bolay da bilgele inde: şuşı terror oyışmasına yärdämne betersennär, qoral birmäsennär, monnan tış külägä (kirtä) bulıp tormasınnar”, - dip äytte.
“Sabah” gazetı: “AQŞtan Törkiyägä ber-ber artlı ike kritik säfär”
Amerika Quşma Ştatları däwlät särkätibe Reks Tillerson häm Milli iminlek kiñäşçese H. R. MakMaster Törkiyägä kiläçäk. Tillerson häm MakMaster aldıbızdağı könnärdä Törkiyädä xezmättäşläre belän oçraşaçaq.
“Xäbär Türk” gazetı: "Dön’ya isemlegendä berençe unda bez”
Törkiyä 564,8 tonnalıq altın rezervı belän Hindıstannı uzıp, dönya altın rezervları isemlegendä berençe unlıqqa kerde. Bötendönya altın şurası (WGC) mäğ’lümatlärenä kürä, 2018nçe yılnıñ fevral’ ayında 8 meñ 133 tonna altın rezervı bulğan Amerika Quşma Ştatları berençe urının saqlawın däwam itterä. Amerika Quşma Ştatlarınnan soñ 3 meñ 373 tonna belän Germaniya, 2 meñ 451 tonna belän İtaliya tora.
“Watan” gazetı: "Xatın-qızlar basketbol cıyılma komandasınıñ köndäşläre bilgele buldı”
Törkiyä xatın-qızlar basketbol cıyılma taqımınıñ 2018 FIBA Bötendönya kuboğındağı köndäşläre bilgele buldı. Çempionatnıñ öy xucası İspaniyanıñ Tenerife qalasında ütkärelgän ciräbädä qatnaşqan Törkiyä B törkemendä Awstraliya, Argentina häm Nigeriya belän bergä buldı. 22nçe-30nçı sentyabr’ könnärendä uzdırılaçaq çempionatta törkemnärendä berençe urınnı alğan komandalar turıdan-turı çirek final’dä qalaçaq.
