Törek matbuğatına küzätü 06.02.2018

“Star” gazetı “59 yıllıq oçraşudan Qudüs kileşüe” isemle xäbärendä 59 yıldan soñ Törkiyädän Vatikanğa ilbaşı däräcäsendä berençe säfärdä Yerusalimneñ BMO qararları häm xalıqara xoquq tarafınnan bilgelängän statusınıñ saqlanıluı zarurlığınıñ assızıqlanuın citkerä.

“Yäni Şafak” gazetı “Cirle häm milli PTT Messenger kilä” isemle yazmasında Xökümät süzçese Bäkir Bozdağnıñ Ministrlar Şurasında Poçta häm telegraf oyışması PTT ğomüm mödirlege tarafınnan yasalğan xäbärläşü sisteması PTT Messengernıñ kön tärtibenä kilüen belderep: “WhatsAppnıñ cirle häm mille bulğanı. Däwlät oyışmaları monı qullanaçaq, soñınnan watandaşlar da qullana alaçaq. WhatsApptan ışanıçlı sistema citeşterelde,” – digän süzläre urın ala.

Xäbärgä kürä berençe sınap qarawda prem’yer-ministr Binali Yıldırım PTT Messenger belän “Zäytün botağı” xäräkäteneñ idaräsennän cawaplı 2nçe Armiyaneñ Hataydağı operaśiya üzägenä turıdan-turı totaştı.

“Watan” gazetı “Ber sanlı inflyaśiya öçen tırışlıqlarıbıznı arttıraçaqbız” isemle xäbärendä prem’yer-ministr urınbasarı Mäxmät Şimşäkneñ êlektron poçta aşa yasağan açıqlawında: “Xökümät inflyaśiyane ber sanğa qısqa waqıtta töşerü öçen tırışlıqların arttıraçaq,” – dip äytüen citkerä.

“Sabah” gazetı “Antaliyada hind tuyı” isemle yazmasında Antaliya şähärendä hind tuyı sezonınıñ açıluın uquçıalrı belän urtaqlaşa.

Gazet yazuınça 3 kön 3 tön baruçı yılnıñ berençe hind tuyı Bäläk Turizm üzägendäge 5 yoldızlı qunaqanälärneñ bersendä uzdı. 1 million dolarlık tuynı oyıştıruçı keşe tübändägeçä citkerde: “Bu urta zurlıqtağı tuy. Aprel’ ayında 15 million dolarlık tuyıbız bar dönyağa işeteläçäk.”

“Xörriyät” gazetı Törkiyäneñ Gaziantäp şähärendä 21 yıl êlek qorılğan häm yuğarı texnologiyale tuqımalar yasawçı Mogul anonim şirkäteneñ 56 ilgä 65 million dolarlık êksport başqaruın citkerä.

Xäbärgä kürä citeşterüneñ här êtabında alğı texnologiya qullanuların añlatqan Mogul ğomüm mödire Särkan Göğüs: “2017 yılnı 121 million dolarlık aqça äyläneşe belän yaptıq,” – dide.