Törek matbuğatına küzätü 05.02.2018
5 nçe fevral' könne basılıp çıqqan qayber törek gazetlarına küzätü
“Vatan” gazetı “Vatikanğa ilbaşı däräcäsendä ikençe säfär” isemle xäbärendä Törkiyä ilbaşı Räcäp Tayyip Ärdoğannıñ Vatikanğa räsmi säfär yasawı turında yaza.
Gazet yazuınça, Ärdoğan säfär qısasında Papa Franśisk häm Rimda İtaliya ilbaşı belän söyläşülär ütkärä. Ärdoğan – 59 yıldan soñ Vatikanğa säfär qılğan ikençe ilbaşı. Söyläşülärdä Törkiyä – Vatikan mönäsäbätläre,Yerusalim belän bäyle täräqqiyät’lär,regional’ problemalar, Süriyädäge keşelek tragediyäse ,terrorçılıqqa, çit il keşelärenä häm İslam doşmanlığına qarşı köräş mäs’äläläre urın ala.
”Sabah” gazetı “Prem’yer-ministrnıñ Xatay häm Kilis belderüe” isemle xäbärendä Törkiyä prem’yer-ministrı Binali Yıldırımnıñ “Zäytün botağı” xäräkäte başlanğannan alıp bügenge köngä qadär Hatayğa 60, Kiliskä 34 buluı belän bergä tuplam 94 raketa höcüme yasaldı. Tınıç xalıqtan 7 keşe şähit buldı, 113 keşe yaralandı”dip belderüen citkerä.
Yıldırım operasiyäneñ planlaştırılğan räweştä däwam itüen ,Törek Qorallı Köçläreneñ 538 maqsatnı yuqqa çığaruın häm 947 terrorçını täêsirsez xälgä kiterüen belderde.
”Yäni Şafak” gazetınıñ “Terrorçı kiyeme kiyüçelär üterelä” isemle xäbärennän kürengänçä, Törkiyä xökümät süzçese Bäkir Bozdağ Törkiyä başlataçaq öçençe xäräkätneñ Münbiçkä bulaçağın belderep tübändägelärne citkerde:”Ägär AQŞ ğaskärläre terrorçı kiyeme kiyep alar arasında urın alıp Törek Qorallı Köçlärenä qarşı höcüm itsä monda ayırıp qaraw şansıbız bulmayaçaq”.
”Xäbär Törek” gazetı “Törkiyä avtomobil’ sänäğätendä rekord däräcädä citeşterü” isemle xäbärendä Törkiyädä uzğan yıl 2016 nçı yıl belän çağıştırğanda tuplam maşina tözeleşeneñ 13%qa artıp 1 million 674 meñgä, avtomobil’ citeşterüeneñ isä 18%qa artıp 1 million 121 meñgä citüen häm ikesendä dä citeşterüneñ iñ yuğarı däräcägä ireşüen uquçıları belän urtaqlaşa.
“Xörriyät” gazetı “İke törek böten dönyağa ömet uyattı” isemle xäbärendä Germaniyada yäşäwçe professor doktor Uğur Şahin belän xäläl cefete Özläm Türäcineñ yıllar buyı yaman şeşne ciñü öçen alıp barğan êşçänlekläreneñ böten dönyada ömet uyatuın xäbär itä.
Älege tabiblar yaman şeşe bik köçle stadiyädäge 13 keşedä anıñ köçäyüen möhim däräcädä kimetügä ireşte. 1 keşedä yaman şeş tulısınça yuqqa çıqtı, 2 keşedä şeş üseşe tuqtadı.
