Törek matbuğatına küzӓtü 02.02.2018

“Star” gazetı Törkiyӓ ilbaşı Ӓrdoğannıñ Ӓnkarada Afrin operaśiyase mӓs’ӓlӓsendӓ açıqlaw yasawın citkerӓ.

Xӓbӓrgӓ kürӓ Ӓrdoğan tübӓndӓgeçӓ citkerde: “Operaśiya uñışlı bara. Könbatış bezneñ xaqlı bulunı kürӓ. Xӓrӓkӓt azağına qadӓr dӓwam itӓçӓk. PKK/YPGneñ maqsatı – Törkiyӓ.”

“Xӓbӓr türk” gazetı “59 yıldan soñ Vatikanğa bara” isemle xӓbӓrendӓ Törkiyӓ ilbaşı Ӓrdoğan Vatikanğa 4-5 fevral’ könnӓrendӓ yasayaçaq rӓsmi sӓfӓrendӓ Papa Franśisk belӓn küreşep söylӓşӓçӓgen, Rimda İtaliya dӓwlӓt başlığı Sergio Mattarella belӓn söylӓşü ütkӓrӓçӓgen yaza.

Gazet yazuınça Ӓrdoğannıñ sӓfӓre 59 yıldan soñ Törkiyӓdӓn Vatikanğa ilbaşı dӓrӓcӓsenӓ çınğa aşaçaq ikençe sӓfӓr bulaçaq.

“Xörriyӓt” gazetı Törkiyӓneñ tışqı êşlӓr ministrı Mӓwlüt Çavuşoğlunıñ Ӓnkarada jurnalistlarğa yasağan açıqlawında terrorçı Mihraç Uralnıñ Soçidağı kongressta qatnaşuçılar arasında kürelgӓnnӓn soñ: “Bezgӓ birelgӓn isemleklӓrdӓ bu terrorçınıñ iseme yuq ide. Bu mӓs’ӓlӓdӓge tınıçsızlığıbıznı Rusiyӓgӓ citkerdek. Bu mӓs’ӓlӓgӓ Rusiyӓ ilbaşı Vladimir Putin da yünӓlde, Rusiyӓ kirӓkle êşçӓnleklӓrne başqarıp, bezneñ belӓn êlemtӓ urnaştıraçaq,” – digӓn süzlӓren citkerӓ.

“Sabah” gazetı “Törkiyӓdӓn tağın zur uñış” isemle yazmasında Törkiyӓneñ hawa saqlanuında möhim wazifalarnı üz östenӓ alaçaq cirle hawa saqlanu raketa sisteması HİSAR-A testlarınıñ Milli Saqlanu ministrı Nurӓttin Canikli qatnaşında Raketa sӓnӓgӓte hӓm sӓwdӓse anonim şirkӓte ROKETSAN hӓm Xӓrbi êlektron sӓnӓgӓte anonim şirkӓte ASELSAN tarafınnan Aksaray şӓhӓrendӓ uñışlı uzuın yaza.

“Yӓni Şafak” gazetı “Törkiyӓ 5 ayda 150 meñ tonna çistartılğan çiklӓwek êksportladı” isemle yazmasında dönyada funduk citeşterüeneñ 75%ın, êksportınıñ 70% başqaruçı Törkiyӓneñ 2017-2018 êksport sezonınıñ 5 ayında 150 meñ 473 tonna çistartılğan funduk êksportlawın yaza.

Xӓbargӓ kürӓ Qara diñgez funduk êşlӓnmӓlӓre hӓm êksportçıları berlegennӓn yasalğan açıqlawda 958 million 260 meñ 171 dollarlıq keremneñ tӓêmin itelüe citkerelde.