Törek matbuğatına küzӓtü 01.02.2018

“Sabah” gazetı “Ӓrdoğan Putin belӓn söylӓşte” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň Rusiyӓ dӓwlӓt başlığı Putin belӓn telefonda söylӓşüen yaza.

Xӓbӓrgӓ kürӓ söylӓşüdӓ Rusiyӓneň Soçi şӓhӓrendӓ oyıştırılğan Milli dialog kongressı, Süriyӓneň Afrin töbӓgendӓge terrorçılarğa qarağan “Zӓytün botağı” operaŝiyase hӓm İdlib belӓn ber rӓttӓn Süriyӓgӓ qağılışlı soňğı tӓraqqıyӓt’lӓrgӓ bӓyӓ birelde, ike yaqlı mönӓsӓbӓtlӓr quzğatıldı.

“Yӓni Şafak” gazetı “İlbaşı idarӓse süzçese Qalın: alan taraya” isemle xӓbӓrendӓ İlbaşı idarӓse süzçese İbrahim Qalınnıň Afrinda baruçı “Zӓytün botağı” xӓrӓkӓte turında: “Berençe maqsatıbız – Süriyӓ cirlӓren terrorçılardan çistartu. 700dӓn artıq terrorçı tӓêsirsez xӓlgӓ kiterelde. Qaharman ğaskӓrilӓrebez zur körӓş quya. Separatist terror oyışması öçen alan taraya,” – dip ӓytüen citkerӓ.

“Star” gazetı rӓsmi sӓfӓr qısalarında ber törkem söylӓşülӓr ütkӓrü öçen Törkiyӓgӓ kilgӓn Livan prem’yer-ministrı Saad Hariri belӓn matbuğat oçraşuı oyıştırğan Törkiyӓ prem’yerı Binali Yıldırımnıň Afrin turında: “Yawlaw operaŝiyasenӓ ӓylӓnmӓsen,” – digӓn Franŝiya ilbaşı Makronğa cawap qaytarıp: “Törkiyӓneň yawlaw maqsatı belӓn êş başqarmawın bar dönya belӓ, belergӓ tiyeş. “Fӓrat qalqanı” xӓrӓkӓtenӓ küz salsaq, monı kürerbez. Franŝiyaneň töşençӓse döres tügel,” – digӓn süzlӓren uquçıları belӓn urtaqlaşa.

“Xӓbӓr türk” gazetı Törkiyӓ statistika oyışması açıqlağan 2017 turizm statistikalarında urın aluçı turizm keremnӓre hӓm kilüçe sanındağı artışnıň turizmçılarnı bıyıl öçen ömetlӓnderüen yaza.

Gazet yazuınça Törkiyӓ statistika oyışması mӓğlümatlarına kürӓ Törkiyӓneň turizm kereme 2017dӓ aldağı yıl belӓn çağıştırğanda 18,9%qa artıp, 26 milliard 283 million 656 meň dollarğa citte.