Törek matbuğatına küzätü 12.01.2018

“Xäbär Türk” gazetı: "Ärdoğan: “Tön’yaq Süriyädä däwlät tözergä teläwçelär tersäkne teşlär””

İlbaşı Räcäp Tayyip Ärdoğan İlbaşı qolliyäsendä oyıştırılğan 43nçe starostalar cıyılışında çığış yasadı. Ärdoğan Süriyäneñ tön’yağındağı täräqqiyätlär belän bäyle bularaq: "Xäzerge waqıtta terror koridorın buldırırğa teläwçelär bar tön’yaq Süriyädä. Näq’ menä şuşı cirlär “Misak-ı Milli”neñ êçendä bulğan urınnar. Bu sizgerleklärebezne onıtmağız. Şuña kürä anda däwlät tözergä totınuçılar tersägen teşlär”, - dip yullamasın citkerde.

“Sabah” gazetı: "Ärdoğan häm Merkel oçraşaçaq”

Tışqı êşlär ministrı Mäwlüt Çavuşoğlu İlbaşı Räcäp Tayyip Ärdoğannıñ Germaniyada xökümät tözelgännän soñ Kanśler Angela Merkel belän oçraşırğa teläwen äytte. Antaliyada alman jurnalistlarınıñ sorawlarına cawap birüçe Tışqı êşlär ministrı Mäwlüt Çavuşoğlu İlbaşı Ärdoğannıñ Kanśler Merkelne çaqıraçağın yäisä Ärdoğannıñ Germaniyağa baraçağın belderde.

“Star” gazetı: "Awrupa Berlege Törkiyä belän mönäsäbätlärne yaxşırtırğa tiyeş”

Bolgariya prem'yer-ministrı Boyko Borisov, Awrupa Berlege şurasınıñ 6 aylıq çirattağı räislege waqıtında Törkiyä belän mönäsäbätlärneñ yaxşırtıluı öçen bik tırışırğa teläwlären belderep: "Awrupa Berlegeneñ Törkiyä belän mönäsäbätlärne yaxşırtuı häm monıñ öçen  tırışlıq kürsätüe zarurlığın” äytte. Borisov Törkiyäneñ bik küp Awrupa Berlege ile taraf bulğan NATOnıñ äğzase bularaq möhim häm Yaqın Könçığıştan qaçaqlar ağımınıñ idarä itelüendä töp rol’ uynawına basım yasadı.

“Xörriyät” gazetı: " 88% tämamlandı! 9 säğättän 3 säğät yarımğa töşä”

İstanbul belän İzmir arasında xäräkät waqıtın 9 säğättän 3 säğät yarımğa töşeräçäk Gäbzä-Orhangazi-İzmir avtoyulınıñ 88%ı tämamlandı. Proyekt qısalarındağı 36 viaduktan Gäbzä-Bursa arasında 12, Susurluk-Balıkäsir-Kırkağaç arasında 3, Kemalpaşa yul çatı belän İzmir arasında isä 2 buluı belän bergä barlığı 17se tögällände. Tözü êşläre betkäç avtoyul 36 viaduk, 3 tunnel’, 20 kassa mäydanı, 25 yul çatı (kiseşü urını), 6 avtoyul tözekländerü häm xezmät üzäge, 3 tunnel’ xezmät häm tözekländerü üzäge belän xezmätkä keräçäk.

“Yäni Şafak” gazetı: "Uşakta yaña böcäk töre tabılğan”

Uşakta qırlarda tikşerenü ütkärgän awıl xucalığı injenerı Ärdal Zängin urnaştırğan böcäk tozaqlarında yaña böcäk tören tapqan. Torymidae familiyasınnan sarı tösle, 1.88 mm zurlığındağı qızıl küzle böcäkkä Uşak vilayäte belän bäyläp "Megastigmus usakensis" iseme birelde. Berençe tapqır kürgän böcäkneñ fotosürätlären töşerep, êntomologiya ölkäsendä 45 yıl inde xezmät itüçe professor doktor Miktat Doğanlarğa cibärgän Ärdal Zängin ütkärelgän êşçänlektän son yaña tör bilgeläwlären añlawların äytte.