Törek matbuğatına küzätü 5.01.2018

“Xäbär Törek” gazetı “Amerika bayrağı terror oyışmaları bayrağı yanında cilferdi” isemle xäbärendä Törkiyä ilbaşı Räcäp Tayyip Ärdoğannıñ Franśiya televideniye kanalına birgän inter’vyusında terror oyışması bulğan “DEAŞ” qa qarşı başqa ber terror oyışması belän xezmättäşlek başqarıp köräşep bulmawına basım yasawın citkerä.

Xäbärdän kürengänçä,“PKK” separatist terror oyışmasınıñ Süriyädäge törkemeneñ Süriyäne bülep terror koridorı buldıru tırışlığına iğ’tibarnı cälep itkän Ärdoğan “Terror oyışması bu yaqlawnı Vaşingtonnan ala. Amerika bayrağı terror oyışmaları bayrağı yanında cilferdi. Bolarnı qabul itü mömkin tügel” dide.

”Xörriyät” gazetı “Atom –töş ênergiyäseneñ kiläçäge Törkiyädä” isemle xäbärendä soñğı yıllarda atom –töş ênergiyäseneñ kiläçäktäge yağulığınıñ toriy bula alu fikereneñ bik yış kön tärtibenä kilüe turında yaza.

Uran kebek atom –töş ênergiyäseneñ êşkärtelmägän matdäse bulğan toriynıñ tağın da ışanıçlı häm çista buluı belderelä. Qayberäwlär kiläçäk yağulığı dip kürsätkän toriy rezervları yağınnan Törkiyä dönyada ikençe urında tora.

”Yäni Şafak” gazetı “Yuğarı üseş öçen maqtaw” isemle xäbärendä xalıqara kredit bäyäläw oyışması “Fitch Ratings”nıñ aralarında Törkiyä dä bulğan kütäreleştäge 10  bazar iq’tisadınıñ potenśial üseş farazların açıqlawın citkerä.

 Törkiyäne berence öçlekkä kertkän “Fitch”  “Törkiyäneñ 5 yılda urtaça 4,8%qa üsüen kötäbez” dip belderde.

”Star” gazetınıñ “Turistlar Törkiyägä kire kilä başladı” isemle yazmasınnan kürengänçä, Angliyädä çığuçı “Financial Times” gazetı Törkiyädä 2016 nçı yıldağı terror höcümnäre häm “Fätullahçı terror oyışması”nıñ tüntäreleş kereşüennän soñ kimü küzätelgän turizm tarmağınıñ qabat canlanuı turında yazıp çıqqan.

Xäbärdä tübändäge yullar urın alğan:”Törkiyä 2014 nçe yılda 36 million turist belän  turizmda rekord quydı. 2016 nçı yılda bu kürsätkeç 25 million ide. 2017 nçe yılda turist sanı 32 millionğa citte. Terrorçılıq yanawı kimegäç turizm tarmağı canlandı”.

”Vatan” gazetı “Üpkä yaman şeşe êşçänleklärenä  törek räis” isemle xäbärendä Törkiyäneñ tanılğan xirurgı professor doktor Aytän Kayı Cangırnıñ AQŞtağı xalıqara üpkä yaman şeşne êtaplarğa ayıru êşçänlegendä älege komitet räise itep bilgelänüen uquçıları belän urtaqlaşa.

 Professor doktor Cangır barlıq yaman şeşlärdäge kebel üpkä yaman şeşendä dä däwalarğa kereşer aldınnan êtaplarğa bülü şartı buluın belderde.