Törek matbuğatına küzӓtü 04.01.2018

“Xӓbӓr türk” gazetı “S-400 raketa saqlanu polk citӓkçelege qorılaçaq” isemle xӓbӓrendӓ Törkiyӓne raketa saqlanu tüşӓme astına alaçaq S-400 proyektında xӓrbi qorılışnıň barlıqqa kilӓçӓgen yaza.

Xӓbӓrgӓ kürӓ S-400 sisteması polk citӓkçelege qorılışına bӓyle bularaq 2 batal’on hӓm 4 ğaskӓri bülektӓn toraçaq. Sistemada 144 raketa bulaçaq. Sistemadağı barlıq êlementlar tӓgӓrmӓçle çaralar östendӓ urın alaçaq. Şul rӓweşle krizis çorlarında ixtıyac bulğan töbӓkkӓ cibӓrelӓ alına. S-400 sistemasınıň kontrole Törkiyӓdӓ bulaçaq.

“Yӓni Şafak” gazetı “Törek ğaskӓriyeneň strategiyase PKKnı beterӓ” isemle yazmasında Törek qorallı köçlӓreneň operaŝiyase belӓn soňğı ber yılda meň 212ese üle kileş barlığı 2 meň 207 PKK terrorçısınıň tӓêsirsez xӓlgӓ kiterelüeneň PKKnıň Ğiraqnıň Kandil töbӓgendӓ urnaşqan başlıqların tilertüen citkerӓ.

“Sabah” gazetı “Maqsat başta Urta diňgez, annarı Qara diňgez” isemle xӓbӓrendӓ italiyan “Milano Finanza” gazetı öçen ber mӓqalӓ yazğan Törkiyӓneň Ênergetika hӓm tabiği çığanaqlar ministrı Bӓrat Albayraqnıň Törkiyӓneň Urta diňgez hӓm Qara diňgezdӓ neft’ hӓm gaz êzlӓw êşçӓnleklӓrenӓ iğtibarnı cӓlep itüen yaza.

Xӓbӓrgӓ kürӓ Urta diňgezdӓge cirtetrӓw tikşerülӓren alıp baru öçen xӓzerdӓn tığız êşçӓnleklӓrneň başqarıluın beldergӓn ministr kilӓse çorda şul uq êşçӓnlekne Qara diňgez öçen dӓ yasawnı planlawların ӓytte.

“Xörriyӓt” gazetı “Şӓhӓr üzӓgenӓ avtomobil’ çige” isemle xӓbӓrendӓ 2017-2023 çorın üz êçenӓ aluçı “Milli ênergiya uňışı ğamӓl planı”nıň kiçӓ Rӓsmi gazetta basılıp çığuın uquçıları belӓn urtaqlaşa.

Xӓbӓrgӓ kürӓ planğa kürӓ avtomobillӓrneň şӓhӓr üzӓklӓrenӓ kerüen çiklӓwçe çaralar kürelӓçӓk, park bӓyӓseneň şӓhӓrdӓ yul xӓrӓkӓte tığız bulğan urınnarda qıybat, ӓz bulğan cirlӓrdӓ isӓ beraz oçsızraq buluına qarağan tӓrtipkӓ salular yasalaçaq.

Gazet yazuınça şӓhӓrlӓrdӓ ӓz uglerod bülep çığaruçı töbӓklӓr barlıqqa kiterelӓçӓk, bu urınnarğa küp tonnajlı transport çaralarınıň kerüe tıyılaçaq.