Törek matbuğatına küzätü 28.12.2017

“Watan” gazetı: "Ärdoğan: “Äsäd – däwlät terrorçılığın cäyeldergän terrorçıdır”

İlbaşı Räcäp Tayyip Ärdoğan Afrika illärenä yasağan säfäreneñ soñğı tuqtalışı Tunista. İlbaşı Ärdoğan Tunis İlbaşı Äl-Bäci Qaid äs-Sibsi belän bergä urtaq matbuğat oçraşuın oyıştırdı. Süriyädäge täräqqiyätlärğä tuqtalıp uzuçı Ärdoğan: "Äsäd belän baru mömkin tügel. Qatğilıq belän açıq häm anıq itep äytäm: Äsäd – däwlät terrorçılığın cäyeldergän terrorçıdır”, - dip belderde.

 “Xörriyät” gazetı: "Doşmannı azaytıp dusnı kübäytergä mäcbürbez"

İlbaşı Räcäp Tayyip Ärdoğan Afrika säfäre qısalarında Çadtan Tunisqa kitkän çaqta oçqıçta jurnalistlarğa yasağan açıqlawında “Germaniyağa häm Niderlandqa säfärlär bula alamı, Awrupa Berlege barışında canlanu yäşänerme?” sorawına: “Bu säyäxätlärneñ bulmawı öçen bernindi säbäp yuq. Härwaqıt äytkän süzem bar. Bez doşmannı azaytırğa, dusnı kübäytergä mäcbür. Ni Germaniya belän problemabız bar, ni Niderland belän, ni dä Belgiya belän . Näq kiresençä anda başta buluçılar minem êlekke iptäşlärem. Miña qarşı yalğış ta yasasalar, ul ayırım mäs’älä. Äytik, minNiderland premyer-ministrı Rutte belän bik yaxşı küreşä idem. Bel’giya da şuşılay uq, Germaniyanı äytep tä torırğa kiräkmi inde, Steinmeier bulmasın, Merkel olsun münasebetlerimiz çok farklı olmuştur. hep sorunlar oldu ama son görüşmelerimiz gayet iyi" diye yanıtladı.

“Sabah” gazetı: "Prem'yer-ministr Yıldırım Soğud Ğaräbstanı patşası Sälman belän küreşte”

Premyer-ministr Binali Yıldırım Soğud Ğaräbstanı patşası Sälman bin Abdulaziz belän küreşte. Söyläşüdä Qudüs-Yerusalim statusına birelgän möhimlekkä basım yasaldı, fälästinlelärneñ xoquqlarınıñ saqlanıluı öçen böten İslam dönyasınıñ berdäm xäräkät itüeneñ zarurlığı, Berläşkän Millätlär Oyışması ğomum şurasında qabul itelgän qararnıñ xalıqara cämäğätçelekneñ köçle yullaması bularaq terkälüe telgä alındı. İke yaqlı mönäsäbätlär dä quzğatılğan söyläşüdä nigezle tarixı, din häm keşelek bağlanışları bulğan Farsı qultığınıñ häm Yaqın Könçığışnıñ iñ möhim illärennän Soğud Ğaräbstanı belän mönäsäbätlärgä birelgän ähämiyätkä basım yasaldı.

“Xäbär Türk” gazetı: "Törkiyäneñ Sudannan sorağan utrawda başqarılaçaq berençe proyekt açıqlandı”

Sudan Tışqı êşlär ministrı İbrahim Ghandour Törkiyäneñ Sevakin utrawında xärbi häm grajdan köymälärneñ tözekländerelüe başqarıla alınaçaq port salaçağın äytte. Gandour port kileşüeneñ tuplamı 650 million dollar qimmätendäge berniçä kileşüdän berse buluın belderde häm ike il arasındağı kileşü näticäsendä nindi dä bulsa ber xärbi xezmättäşlekneñ urnaştırıla alınaçağın açıqladı.

“Star” gazetı: "Qatarğa östämä törek xärbiläre cibärelde”

Qatar urtaq köç citäkçelege êlementları belän dä bergä Törkiyädän Qatarğa östämä xärbi köç kilüen belderde. Qatar saqlanu ministrlığınnan yasalğan belderüdä Törkiyä häm Qatar arasında tözelgän urtaq saqlanu kileşüe nigezendä Törkiyäneñ östämä xärbi köçläreneñ Tarik bin Ziyat batal’onına quşılaçağı äytelde. Kileşüneñ terrorçılıqqa, qırıslıq xäräkätlärenä qarşı köräş häm töbäktä iminlekne täêmin itüne üz êçenä aluı assızıqlandı. Törkiyädän kitkän xärbi östämä köç belän Qatar qorallı köçläreneñ köräş säläten arttıru öçen urtaq xärbi künegülärneñ uzdırılaçağı belderelde.