Törek matbuğatına küzätü 26.12.2017
26 nçı dekabr' könne basılıp çıqqan qayber törek gazetlarına küzätü
”Vatan” gazetı “Kiläçäk Afrikanıqı” isemle xäbärendä Törkiyä ilbaşı Räcäp Tayyip Ärdoğannıñ Sudan säfäre qısasında başqalada üzenä maqtawlı doktor iseme birelgän tantanada yasağan çığışında “Bez Yerusalim mäs’äläsendäge kebek bergä,berdäm bulsaq kiläçäk Afrikanıqı bulaçaq” dip äytüen citkerä.
”Star” gazetı ”Törkiyä Qabuldağı terror höcümen ğayepläde” isemle xäbärendä Törkiyäneñ Qabuldağı milli iminlek direktorlığına yaqın cirdä oyıştırılğan terror höcümen ğayepläwe turında yaza.
Gazet yazuınça,tışqı êşlär ministrlığınıñ bu xaqtağı belderüendä “Terror höcümen ğayeplibez. Höcümdä ğomere özelgännärgä Allahtan yarlıqaw soruybız,Äfganstan xökümäte häm xalqınıñ qayğısın urtaqlaşabız ,yaralanğan keşelärgä şifalar telibez” diyelde.
”Xörriyät” gazetı “Çit ildäge kibet sanın 32 gä citkeräçäk” isemle xäbärendä Törkiyäneñ tanılğan firmalarınıñ çit il investiśiyälären zur tizlek belän däwam itterüen belderä.
Xäbärdän kürengänçä, 2017 nçe yılda möhim däräcädä üseşkä ireşkän citeşterüçelärdän berse bulğan “Bürotime” çit ildäge 7 nçe kürgäzmä kibeten Gruziyada açtı.
2018 nçe yılda Awrupa, Yaqın Könçığış häm Afrikada 25 yaña kürgäzmä kibet açıp ”Bürotime” tuplam çit ildäge mondıy kibet sanın 32 gä citkerüne maqsat itep quya.
”Yäni Şafak” gazetı ” Büläk dip cibärdelär, xäzer zakazlarnı ölgertä almıylar” isemle xäbärendä Törkiyädä Manisanıñ Alaşäher ilçäsendä yäşäwçe ber ğailäneñ üzläre üstergän cännät xörmäse cimeşen sata almağaç kipterep ber öleşen Angliyädä yäşäwçe duslarına büläk itep cibärülären, xäzer isä bu büläk näticäsendä êksportka kereşülären häm töbäktäge citeşterüçelär öçen dä bu êşneñ ömet uyandıruın uquçıları belän urtaqlaşa.
”Xäbär Törek” gazetı ”Bel’giyada däwlät xezmätkärennän xalıq ışanıçlısına kütärelgän Ämir Kır” isemle xäbärendä Bel’giyada 1990 nçı yıllarda Saint-Joss şähär xakimiyätendä däwlät xezmätkäre bulıp êşli başlağan Ämir Kırnıñ bügenge köngä qadär säyäsätkä kerep kitkän belgiyalı töreklär arasında iñ yuğarı däräcäga kütärelgän törek buluın häm bügenge köndä federal’ xalıq ışanıçlısı häm şähär xakimiyäte başlığı buluın citkerä.