Törek matbuğatına küzätü 25.12.2017

 “Vatan” gazetı “Sudanda Yerusalim yullaması:Yerusalim böten keşelek probleması” isemle xäbärendä Sudanğa ilbaşı däräcäsendä täwge säfärne tormışqa aşırğan Törkiyä ilbaşı Räcäp Tayyip Ärdoğannıñ “Yerusalim-monnan soñ böten keşelek dönyasınıñ mäs’äläsenä äwerelde. Törkiyäneñ tulı wäqalätle ilçelege Yerusalimda. Bergä yasalğan adımnar häm 128 ilneñ yaqlawı belän AQŞnıñ 9 tawış belän qaluın küz uñında totqanda çınbarlıq bik açıq kürenä. Küpme genä köçle bulsağız da iñ köçlese xaqtır häm xaq biredä ciñügä ireşte”dip äytüen citkerä.

“Yäni Şafak” gazetı “Prem’yer-ministrdan Adıyamanğa tiz yöreşle poyezd xäbäre” isemle xäbärendä Törkiyä prem’yer-ministrı Binali Yıldırımnıñ “Ğadälät häm qalqınu” partiyäseneñ Adıyaman çirattağı kongressında yasağan çığışında “Gölbaşı-Adıyaman-Kahta” arasında tiz yöreşle poyezd liniyäse salınaçaq, proyekt tendrı yasaldı häm barış başladı” dip äytüen uquçıları belän urtaqlaşa.  

”Sabah” gazetı “Törek Telekom”ga “Standart & Poors”tan uñay bäyä” isemle xäbärendä xalıqara kredit bäyäläw oyışması “Standart & Poors”nıñ “Törek Telekom”nıñ kredit däräcäsen kapital salına ala torğan , yäğ’ni BBB bularaq yañartuın citkerä.

Xäbärdän kürengänçä, “Standart & Poors” ”Törek Telekom”nıñ daimi liniya bazarında köçle lider poziśiyäsendä buluın, şirkätneñ kiñ çeltär asqormasına ,yaxşı üseş potenśialına häm yuğarı rentabl’lekkä iyä buluın belderde.

”Xäbär Törek” gazetı” Törek ijjenerlarınıñ icatı” isemle xäbärendä Samsunda törek injenerlarınıñ bu ölkädä Germaniya baş bulğan häm 850 yevroğa satıp alınğan tramvaylarnıñ tizlek caylanmasın êşläp çığaruların xäbär itä. Tizlek caylanması 750 lirağa êşlände.

”Star” gazetı “Berençe tapqır törekçä säxnägä quyılaçaq” isemle xäbärendä dönyanıñ tanılğan teatrlarınnan “Dasdas”nıñ yaña yılda ”Yalwarıp sorawçılar” isemle äsärne säxnäga quyaçağın xäbär itä.

Berençe tapqır törek telenä tärcemä itelgän äsärdä 6 professional’,44 törle yäş’tä häwäskärlär urın ala.