Törek matbuğatına küzätü 21.12.2017
21nçe dekabr’ könne basılıp çıqqan qayber törek gazetlarına küzätü
“Xäbär Türk” gazetı: "Sineñ ata-babaların qayda ide”
İlbaşı Räcäp Tayyip Ärdoğan 42nçe starostalar cıyılışında çığış yasadı. Berläşkän Ğaräp Ämirlekläre Tışqı êşlär ministrınıñ Mädinädäge izge amänätlärne qotqarıp İstanbulğa alıp kitergän Fahräddin Paşanı gäyepläwçe “tweet” urtaqlaşuına bik kisken reakśiya kürsätkän İlbaşı Ärdoğan: "Äy bezgä yala yağuçı mesken, sineñ ata-babalarıñ qayda ide. Fahräddin Paşanıñ 2 yıl 7 ay waqıt belän saqlağan Mädinädä başqarğan êşläre, qarşılıq kürsätüe täqdirgä layıq. Yaw köçlärennän saqlap izge amänätlärne 2 meñ keşelek saqçı köçe belän İstanbulğa cibärgän”, - dip äytte. Ärdoğan: "Tarixıbıznıñ şuşı mömtaz şäxesebezgä yaman süz äytüçelärneñ bügen kem belän, qayda, nindi êşlär başqaruın bez ğayät yaxşı beläbez," – dip äytte.
“Sabah” gazetı: "Çavuşoğlu: “Monnan arı dönya üzgärde”
Tışqı êşlär ministrı Mäwlüt Çavuşoğlu irtägä Berläşkän Millätlär Oyışmasında Qudüs-Yerusalim öçen ütkäreläçäk tawışqa quyu öçen Amerika Quşma Ştatlarına kitte. Hawa mäydanında Fälästin Tışqı êşlär ministrı belän bergä matbuğat oçraşuın oyıştırğan Çavuşoğlu: "İrtägä ğomum şurada tawışqa quyılaçaq. Bez biredän köçle yaqlaw kötäbez. Çönki bu qarardan barı tik möselmannar ğına tügel, xristiannar da tınıçsız buldı. Şulay yq yähüdlärneñ ber öleşe bu qararğa qarşı. Vöcdanı bulğan härkem xoquqqa tiskäre bulğan bu qararğa qarşı çıqtı. İrtägä ütkäreläçäk tawışqa quyu aldınnan berüze qalğan Amerika Quşma Ştatlarınıñ yanaw ısulına möräcäğät itüen küräbez,” – dip äytte.
“Sabah” gazetı: "Törkiyä Tön’yaq Koreya sammitına çaqırıldı”
Kanadanıñ Vancouver qalasında 16nçı ğinwarda ütkäreläçäk Tön’yaq Koreya yuğarı däräcäle oçraşuında Törkiyä dä qatnaşaçaq. Törkiyäneñ Ottawa tulı wäqalätle ilçese Sälçuk Ünal Törkiyäneñ Kanadanıñ Vancouver şähärendä 16nçı ğinwardä uzaçaq "Tön’yaq Koreya yuğarı däräcäle oçraşuı”na çaqırıluın äytte. Çaqırunıñ Kanada tarafınnan Änkarağa citkerelüen belderüçe Ünal Kanada häm Amerika Quşma Ştatlarınıñ räislegendä uzdırılaçaq sammitnıñ 1950-53nçe yıllardağı Koreya suğışında qatnaşqan illär däräcäsendä ütkäreläçägen äytte.
“Yäni Şafak” gazetı: "“Kanal İstanbul”dan aqılğa sıymaslıq tufraq”
2011nçe yılda berençe tapqır kön tärtibenä alınğan çaqta “Aqılğa sıymaslıq proyekt” bularaq telgä alınğan “Kanal İstanbul” proyektınnan çığarılaçaq cir dä aqılğa sıymaslıq külämdä bulaçaq. 2018nçe yılda nigeze salınaçaq proyekttan çığarılaçaq 1 milliard 700 million kub metr cir-tufraq belän 3 utraw, irekle töbäk häm port salınuı turında süz barsa, tufraqnıñ meñnärçä yök maşinası belän igen-basularğa taratıluı da kön tärtibendä.
“Watan”: "Törek çäye 23.7 million dollar qazandırdı”
Törkiyädän ğinwar-noyabr’aralığında 4 meñ 958 tonna çäy êksportlanıp, bärabärlegendä 23 million 655 meñ 899 dollar kerem täêmin itelde. Könçığış Qara diñgezdän dä bıyıl 11 ayda 21 ilgä 2 meñ 939 tonna çäy êksportlanıp, 10 million 949 meñ 670 dollarlıq kerem qazanıldı. Töbäktän yasalğan êksportta da berençe öç urın üzgärmägän bulsa, Bel’giyägä 8 million 589 meñ 584 dollar, Germaniyağa 689 meñ 117 dollar häm Tön'yaq Kipr Törek Cömhüriyätenä 462 meñ 921 dollar külämendä çäy êksportlandı.
