Törek matbuğatına küzätü 16.11.2017
16nçı noyabr' könne basılıp çıqqan qayber törek gazetlarına küzätü
“Xäbär türk” gazetı Törkiyä ilbaşı Ärdoğannıñ Rusiyä häm Kuveyttan soñ Qatarğa baruın yaza.
Xäbärgä kürä Ärdoğannıñ bu ildäge berençe söyläşüe Parlament başlığı Merzuk äl Ganim belän uzdı. Soñınnan Kuveyt Ämire Şäyex Sabah äl Äxmät äl Cabir äl Sabah belän küreşep söyläşte. Bäyan sarayında matbuğatqa yabıq uzğan ike yaqlı häm wäkilleklärara söyläşülärdän soñ Törkiyä ilbaşı bäyläneşle ministrlar häm oyışma citäkçeläre tarafınnan ike il arasında tözelgän yaña kileşülärneñ imza tantanasında qatnaştı.
“Yäni Şafak” gazetı Törkiyäneñ belem, sänägät häm texnologiya ministrı Faruk Özlüneñ şäxsi televideniye kanalında kön tärtibe belän bäyle açıqlaw yasawın citkerä.
Gazet yazuınça “Prototip çıqqannan soñ bez dä zakaz alaçaqbız,” – digän ministr Özlü tübändägeçä däwam itterde: “Global’ uñışnı maqsat itäbez, dönya avtomobile yasalaçaq. Avtomobil’ sänägätendäge üzgäreş Törkiyä öçen şans. Marka iseme öçen älegä irtä, dizaynın yasiq, bazarğa täqdim itik. İsem kilgändä isä iñ matur isem tabılaçaq.”
“Sabah” gazetı “Êşsezlektä söyenderüçe sannar” isemle xäbärendä Törkiyä Statistika oyışmasınıñ avgust ayı belän bäyle êş köçe statistikaların açıqlawın yaza.
Xäbärgä kürä Törkiyä külämendä 15 yäş’ häm annan zurraq yäş’täge keşelär arasında êşsez keşe sanı avgust ayında uzğan yılnıñ şul uq ayı belän çağıştırğanda 89 meñ keşegä kimep 3 million 404 meñ keşe täşki itkän.
Gazet yazuınça şul uq däwerdä êşsezlek küläme 0,7 oçkoğa kimep 10,6% bulğan.
“Star” gazetı Törkiyäneñ aviaśiya tarmağında tağın ber kritik êtaptan uzarğa tırışuın citkerä.
Xäbärdän kürengänçä Yaña näsel belem birü oçqıçı Xörqoşnıñ reaktiv oçqıç versiyase bularaq başlatılğan Xörjet proyektında oçqıçnıñ berençe tapqır 2022nçe yılda sınap qaralaçağın uquçıları belän urtaqlaşa.
Gazet yazuınça Dubai Air Show 2017dä qatnaşqan Törek aviaśiya häm ğaläm sänägäte anonim şirkäte TUSAŞ ğomüm mödire Tämäl Koti Xörjetnıñ berençe oçış könen 2022 yıl buluın açıqladı.
