Törek matbuğatına küzätü 12.09.2017
12nçe sentyabr könne basılıp çıqqan qayber törek gazetlarına küzätü
“Yäni Şafak” gazetı “Rusiyä häm İran belän ahäñ êçendä bez” dip atalğan yazmasında Törkiyä İlbaşı Räcäp Tayyip Ärdoğannıñ Qazaqstan oçraşularınnan qaytqan çaqta yanındağı jurnalistlarğa açıqlawlar yasawın yaza:
“Ärdoğan: “Bigräk tä İdlib xaqında şunı äytä alam. Aynıñ 14endä ütkäreläçäk Astana sammitı bik zur ähämiyätkä iyä. Xäzerge waqıtta İdlibta Rusiyä monnan alda kileşkän kebek barışnı alıp barabız häm bu räweşle barış xäzerge waqıtta êşli. Rusiyä belän bu mäs’älädä arabızda nindi dä bulsa añlaşılmawçanlıq yuq. İran belän dä ütkärgän söyläşülärebezdä tartqalaşuğa tema bula alaçaq teläsä qaysı ber başça kön tärtibenä kilmäde. Şulay dip uylıym: Astana yuğarı däräcäle oçraşuınnan soñ da arabızda sawlıqlı söyläşülär şuşı räweşle däwam itäçäk. Täräqqiyätlär uñay yünäleştä däwam itä”, - dip äytte.”
“Star” gazetı “Arakanğa yärdäm mobilizaśiyası” isemle yazmasında İlbaşı Ärdoğannıñ äydäp baruçanlığında başlatılğan Arakanğa iñ kiñ qırlı yärdäm mobilizaśiyası turında mäğlümat birep uza.
“Xörriyät” gazetı “Ber inglizneñ küzlegennän Sinop säyäxäte” dip atalğan yazmasında “BBC” xezmätkäre Joshua Allenneñ Törkiyäneñ iñ tınıç şähäre bulıp saylanğan Sinop belän qızıqsınuın häm yulğa çığuın añlata.
“Sabah” gazetı “Dubai töşä, Törkiyä kütärelä” isemle yazmasında bıyıl 16nçı tapqır oyıştırılğan Dubaidäge “Cityscape Global 2017” yärminkäsendä firmalarğa berençe märtäbä qaynar satu röxsäteneñ birelüen belderä.
“Watan” gazetı "Sarkofag yalğanınıñ urınına urnaştırılaçaq” dip atalğan yazmasında TörkiyäneñPärgä borınğı qalasındağı qanunsız qazılmalar waqıtında tabılıp, yaqınça 50 yıl êlek çit ilgä urlanğan Herakles (Gerakl) sarkofagınıñ Şveyśariyädän Törkiyägä 13nçe sentyabrdä kitereläçägen xäbär itä:
