Törek matbuğatına küzätü 11.08.2017

11nçe avgust könne basılıp çıqqan qayber törek gazetlarına küzätü

Törek matbuğatına küzätü 11.08.2017

“Sabah” gazetı “Dön’yağa qoyaş pannel’lären êksportlayaçaqbız” dip atalğan yazmasında Törkiyä ênergetika ministrı Bärat Albayraqnıñ, berençe qoyaş panel’läreneñ 2018nçe yıl betkänçe ğamälgä kerteläçägen belderep: “Törkiyädä êşläp çığarılğan cil häm qoyaş panel’lären yaqın waqıtta töbäkkä êksportlayaqbız. Barı tik Qara diñgez genä tügel, Urta diñgezdä dä neft’ êzlänülärendä tağın da aktiv bulaçaqbız. Törkiyäneñ astında häm östendä bulğan böten närsäne tabaçaqbız”, - dip äytüen citkerä.

“Xörriyät” gazetı “Astanağa Törkiyä iniśiativası” isemle yazmasında “Qazaqstan Expo”sındağı Törkiyäneñ êşçänlegen añlata:

“Astanağa kitkän Törkiyä törkemen citäkläwçe İqtisad ministrı Nihat Zäybäkci: “21nçe ğasır – törek häm qazaq yözyılı bulaçaq. Kilegez arabızdağı kirtälärne beterik”, - dip äytte.”

“Star” gazetı “Ärgänäne cirle “suqır tıçqan” qotqaraçaq” dip atalğan yazmasında Trakiyanıñ 40 yıllıq qurqınıç töşe Ärgänä saslığınıñ yaxşırtıluı öçen berençe adım yasaluın xäbär itä:

“Milli tunnel’ açu caylanması (suqır tıçqan) belän startqa basqan Urman häm su êşläre ministrı Väysäl Äroğlu: "Ärgänä yılğası belän böten yılğalar çistartılaçaq. Proyekt2019da betäçäk”, - dip belderü yasadı.”

“Xäbärtürk” gazetı “629 yıllıq çañ Vanğa kilä” isemle yazmasında İrannıñ ilendäge ber muzeyda saqlanğan 629 yıllıq çañnı üz urınına – Törkiyägä Vannıñ Ğaziz Mär’yäm çirkäwenä kire qaytarılaçağın belderüen yaza.

“Watan” gazetı Gulievtan tarixi altın” isemle yazmasında çığışı belän azärbaycan bulğan Törkiyä milli atletı Ramil Gulievneñ Anglya başqalası Londonda ütkärelüçe 16nçı Bötendönya atletizm çempionatında 200 metrda 20.09 belän altın medal’ga layıq buluı xäbären citkerä:

“Törkiyägä berençe dönya çempionlığın yäşätterüçe Ramil ciñüen Törkiyä häm Azärbaycan bayraqları belän qotladı. Yasmani Kopello Eskobar da kömeş medal’ qazanuı belän Törkiyä tarixında berençe tapqır irlär arasında dönya çempionatında medal’ yawlağan ide.”



Bäyläneşle xäbärlär