Törek matbuğatına küzӓtü 08.06.2017

“Sabah” gazetı “Qatarğa soŝial’ mediadan xuplaw” isemle xӓbӓrendӓ qayber ğarӓp illӓre belӓn diplomatik krizis kiçerüçe Qatarnı xuplaw maqsatı belӓn soŝial’ media mӓydanı Twitterda açılğan Qatar yalğız tügel haştagı aşa xuplaw yullamalarınıň kilüen yaza.

Xӓbӓrgӓ kürӓ Twitterda tübӓndӓge süzlӓr urın aldı: “Qatardan Törkiyӓgӓ Ğosmanlı sӓlame”, “Törkiyӓ-Qatar qardӓşter”, “Duslardan waz kiçelmӓs”, “Törek millӓte tarix buyı yӓrdӓmgӓ ixtiyacı bulğan qardӓşlӓren yalğız qaldırmadı, qaldırmayaçaq ta”.

“Xӓbӓr türk” gazetı “İstanbulğa kilgӓn turist sanı” isemle yazmasında aprel’ ayında İstanbulğa kilgӓn keşe sanınıň uzğan yılnıň şul uq ayına kürӓ 16,8%ka artıp, 835 meňgӓ çığuın yaza.

Gazet yazuınça aprel’ ayında İstanbulğa kilgӓn turist sanı 715 meň ide. Bu yılnıň berençe 4 ayında isӓ İstanbulğa kilgӓn turist sanı 2 million 727 meň bularaq çınğa aştı.

“Watan” gazetı “Angliyada “Törkiyӓgӓ yal itӓrgӓ kitegez” çaqıruı” isemle yazmasında ingliz “İndependent” gazetınıň sӓyӓxӓt yazuçısı Emma Tompsonnıň Törkiyӓdӓ yal itӓrgӓ çaqıruın citkerӓ.

Xӓbӓrdӓn kürengӓnçӓ Törkiyӓgӓ sӓyӓxӓteneň tӓêsirlӓre belӓn urtaqlaşqan Tompson yazmasında ayıruça Fӓthiyӓ hӓm tirӓ-yağında urnaşqan Likya yulı, tarixi Kayaköy, Pınara borınğı şӓhӓre hӓm tabiğat’ sportların alğı planğa çığarğan.

Gazet yazuınça Tompson Fӓthiyӓneň tabiği hӓm tarixi üzençӓleklӓre belӓn iskitkeç ilçӓ buluın assızıqladı. Tanılğan ingliz yazuçısı yazmasında: “Bu güzӓlleklӓrdӓn mӓxrüm qalmağız,” – yullamasın birde.

Xӓbӓrgӓ kürӓ turizmçılar isӓ ilçӓdӓ şaqtıy inglizneň yӓşӓwen hӓm yal itӓrgӓ kilüçelӓrneň dӓ Fӓthiyӓdӓn qanӓğat’ qaluların assızıqlıy. Xӓzerge waqıtta 3 meňnӓn artıq ingliz keşese Fӓthiyӓdӓ yӓşi. Alar anın ber öleşe buldı. Üzlӓre qorğan cӓmğiyӓt’lӓrdӓ balalar hӓm uram xayvannarına da yӓrdӓm kürsӓtӓlӓr.

“Yӓni Şafak” gazetı “Karim Benzema İstanbulda iftar aşında qatnaştı” isemle xӓbӓrendӓ İspaniyaneň bar dönyağa tanılğan klubı Real Madridta uynawçı futbolçı Karim Benzemanıň İstanbulnıň Fatih bistӓsendӓ iftar aşı programmasında qatnaştı.

Xӓbӓrgӓ kürӓ aljirlı futbolçı başta Fatix şӓhӓr xaqimiyӓtenӓ kilep, Fatix şӓhӓr xaqimiyӓte başlığı Mostafa Dӓmir belӓn küreşte. Dӓmir Benzemağa Fatixnıň tarixı hӓm tarixi ӓsӓrlӓre xaqında mӓğlümat birde. Ozın ӓňgӓmӓdӓn soň Mostafa Dӓmir Benzemağa Sölӓymaniyӓ cӓmiğınıň miniatyurasın bülӓk itte. Soňınnan Soltan kölliyӓte aldında qorılğan uramdağı iftar aşı tabınına qunaq buldılar. Tanılğan futbolçınıň kilüen işetüçelӓr Benzema belӓn tanışırğa telӓde.