Törek matbuğatına küzätü 11.05.2017
11nçe may könne basılıp çıqqan qayber törek gazetlarına küzätü
“Star” gazetı “Waşingtonğa tarixi kisätü” isemle yazmasında Amerika Quşma Ştatlarınıñ “PYD” terror oyışmasına qoral yärdämenä reakśiya kürsätkän İlbaşı Räcäp Tayyip Ärdoğannıñ: "Şuşı yalğışlıqtan qaytırılır, dip ışanam. Bu mäs’älädäge totışıbıznı 16nçı mayda İlbaşı Donal’d Trampqa täfsille räweştä turıdan-turı üzem äytäçäkmen. Mondıy adım töbäkneñ kiläçägen qurqınıç astına quyaçaq. Uzğan çaqlarda yasalğan adımnıñ Süriyäne alıp kitergän wazğiyät mäğlüm”, - dip äytüen citkerä.
“Xörriyät” gazetı “Awrupa Berlegenä Törkiyädän öç anıq yullama” dip atalğan yazmasında Törkiyäneñ Awrupa Berlegennän cawaplı ministrı häm baş söyläşüçe Ömär Çälikneñ çärşämbe könne Awrupa Berlege komissiyası däräcäsendä uzdırğan yuğarı däräcäle söyläşüläre waqıtında “äğzalek tışındağı formulağa bez yabıq”, “başçalar açılsın” häm “Tamğaxanä berlege yañartılsın” yullamaların citkerüen yaza.
“Xäbär Türk” gazetı “Birjada häm bazarlarda kütärelü däwam itäçäk” isemle yazmasında “Borsa İstanbul” idarä şurası başlığı Himmät Qaradağnıñ yaña särmayä (kapital) bazarı êşlänmälre häm xalıqqa täqdim itü model’läre östendä êşläwlären äytüen belderä.
“Sabah” gazetı “N’yu-York äkiyäte başlıy” dip atalğan yazmasında Amerika Quşma Ştatlarında tulısınça N’yu-Yorkta töşerelgän berençe törek fil’mı bulğan “N’yu-York äkiyäte”neñ täqdir itelüen xäbär itä.
“Yäni Şafak” gazetı “Törkiyäneñ 64%ı töp töş ğailäse” isemle yazmasında Törkiyä statistika oyışmasınıñ “Statistikalar belän ğailä 2015” mäğlümatlärenä kürä, Törkiyädäge ğailälärneñ 66,9%ınıñ ata-ana häm öylänmägän balalardan torğan töş ğailäläre buluı, ber keşelek ğailälär külämeneñ isä 14,4% bularaq bilgelänelüen yaza.
