Törek matbuğatına küzätü 24.04.2017
24 nçe aprel' könne basılıp çıqqan qayber törek gazetlarına küzätü
“Sabah”gazetı “Törkiyä Urta diňgezdä neft’ häm tabiği gaz êzli başladı” isemle xäbärendä Törkiyäne töbägendä möhim ênergetika aktyerına äwerelderäçäk Urta diňgez strategiyäseneň tormışqa aşırıluı turında yaza.
“Barbaros Hayrettin Paşa”isemendäge köymä kiň mäydanda seysmik tikşerenülär alıp baru öçen Kipr su kiňleklärendä êşkä kereşte.
Gazet yazuınça, aldağı könnärdä “Oruç Räis” köymäse belän seysmik êşçänleklär arttırılaçaq häm töbäktä neft’ belän tabiği gaz êzlänäçäk. Älege êşçänleklär başqarılaçaq urınnar arasında Tön’yaq Kipr Törek Cömhüriyäte su kiňlekläre dä bar.
”Vatan” gazetı “8 trillion dollar külämendäge fondlar yünäleşlären Törkiyägä yünältte” isemle xäbärendä 8 trillion dollar külämendäge mal-mölkätne idarä itkän dön’ yaküläm tanılğan investiŝiya fondlarınıň iğtibarnı Törkiyägä yünältüen xäbär itä.
Xäbärdän kürengänçä, zurlığı 2 trillion dollarğa citkän “Oppenheimer” häm 1 trillion yarım dollarnı idarä itkän “Tın okean Investment” berençe çiratta bulu belän bergä ayıruça pensiya fondlarınıň da Törkiyä mal-mölkätenä qarata qızıqsınuı artaçaq.
”Yäni Şafak” gazetı “Sälamätlek saqlaw turizmında maqsat – 2 million çit il keşese” isemle yazmasında Törkiyäneň sälamätlek saqlaw turizmında dönyanıň berençe 5 ile arasında urın aluın citkerä.
Gazet beldergänçä, Törkiyägä iň küp Germaniya, Liviya,Rusiya häm Ğiraqtan awıru keşelär kilä. Germaniya häm Niderlandtan kilüçelär ayıruça küz awırtuların däwalaw öçen Törkiyäne saylıy. Bötendön’ya sälamätlek saqlaw şurası 2023 nçe yılda Törkiyädä bu tarmaqtan faydalanuçı xasta sanı 2 millionğa citäçäk dip isäpli. Törkiyä şaqtıy Awrupa ile belän çağıştırğanda härkem tüli alırlıq bäyälär belän däwalanu mömkinlege birä.
”Xäbär Türk” gazetı “Şähitlär öçen yöreş 25 nçe aprel’dä” isemle xäbärendä Çanakkälä ciňüeneň dastanına äwerelgän 57 nçe pexota polkı şähitläreneň 25 nçe aprel’dä iskä alınaçağın uquçıları belän urtaqlaşa.
Xäbärdän kürengänçä, Çanakkalädä här yıl 24-25 nçe aprel’ könnärendä ütkärelüçe 57 nçe polknıň tuğrılığı yöreşendä Kosovadan 120, Çanakkalädän 160 häm 80 vilayät’tän kiläçäk 2800 keşe belän bergä tuplam 3 meň 160 keşe qatnaşaçaq.
”Star” gazetı “1915 nçe yılğı ärmän däğ’waların yuqqa çığaruçı äsär” isemle xäbärendä ärmän waqiğalarınıň 102 yıllığı uňayınnan däwlät arxivları ğomum mödirlegeneň möhim ber äsär äzerläwen citkerä.
Gazet yazuınça, “Deportaŝiyägä iltüçe yul” isemle kitapta urın alğan häm täwge tapqır dönya kürgän 204 dokument tışqı köçlär idaräsendäge ärmännärneň deportaŝiyäga iltkän barışta niçek planlı räweştä häm bergä xäräkät itülären kürsatä.
Kübesendä şifrlanğan mäğ’lümatlar urın alğan dokumentlar yaqtılığında 1915 nçe yılğı waqiğalarnıň belenmägän yaqları da aňlatıla. Älege kitap - ärmän tezisların yuqqa çığaruçı möhim äsär.
