Törek matbuğatına küzätü 03.04.2017
3 nçe aprel' könne basılıp çıqqan qayber törek gazetlarına küzätü
”Star” gazetı “İň zur sabaq 16 nçı aprel’dä” isemle yazmasında Törkiyä ilbaşı Räcäp Tayyip Ärdoğannıň Änkarada kümäk açılış tantanasında çığış yasap ,16 nçı aprel’däge referendumnıň könbatışlı liderlarğa, tüntäreleşçelärgä,krizis maklerlarına häm terror oyışmalarına tarixi cawap bulaçağı turında äytüen citkerä.
Xäbärdän kürengänçä, Ärdoğan üz çığışında tübändägelärne citkerde:”Törkiyä iqtisadı uzğan yıl 2,9%qa üste, Awrupa Berlegeneň urtaça üşse isä 1,5%. 16 nçı aprel’ Könbatışnıň barlıq liderlarına iň yaxşı sabaq bulacaq”.
”Xäbär Türk” gazetı “AQŞta tawış birü başlandı” isemle yazmasında Amerika Quşma Ştatlarında yäşäwçe Törkiyä watandaşlarınıň Törkiyädä 16 nçı aprel’dä ütkäreläçäk Töp Qanun üzgäreşe referendumı öçen tawış birä başlawların xäbär itä.
AQŞta yäşäwçe töreklär 9 nçı aprel’gä qadär Çikago, Vaşinton, New-York Boston, Mayami, Los – Andjeles, X’yustondağı konsullıq häm ilçeleklärdä tawış birä ala.
”Vatan” gazetı “PKK”ğa soňğı 5 ayda iň zur höcüm” isemle xäbärendä Törkiyäneň könçığış häm kön’yaq-könçığış qırlarında “PKK” separatist terror oyışmasına qarşı operaŝiyälärneň özleksez däwam itüen citkerä.
Törek Qorallı Köçläre häm iminlek ğomum mödirlege qışqı aylarda da däwam ittergän operaŝiyälärdä 886 terrorçı täêsirsez xälgä kiterelgän. Oyışmanıň keremnärenä häm logistik çığanaqlarına da zur zıyan kilgän.
”Yäni Şafak” gazetı “Watandaşqa altın tabış” isemle xäbärendä xökümätneň altın obligaŝiyäse häm altınğa nigezlängän arenda sertifikatı iseme astında ike yaňa ışanıçlı kapital salu çarasın ğamälgä kertäçäge turında yaza.
Gazet yazuınça, prem’yer-ministr urınbasarı Mäxmät Şimşäk “Bu adım belän watandaşlarıbız öydä buş torğan altınnarınnan östämä tabış alaçaq ,êkonomiläw artaçaq”dip belderde. Şimşäk bu çaralarnıň Törkiyägä xas buluın häm dön’yada täwge tapqır qullanılaçağın da citkerde.
”Xörriyät” gazetı “Törek meŝŝo-soprano finalda” isemle xäbärdä törek sänğät’çe meŝŝo-soprano tawışlı Êzgi Karakayanıň dön’yanıň iň yaxşı cırçısı bäygesendä çığış yasawın uquçıları belän urtaqlaşa. Cırçı 450 keşe arasınnan finalğa çığuğa ireşkän 20 sänğät’çedän berse buldı.
