Törek matbuğatına küzätü 23.02.2017
23nçe fevral' könne basılıp çıqqan qayber törek gazetlarına küzätü
“Star” gazetı “Ärdoğan – Tramp küreşüe mayda” isemle xäbärendä İlbaşı idaräse süzçese İbrahim Qalınnıñ Kölliyädä kön tärtibenä bäyä birgändä Törkiyä ilbaşı Ärdoğannıñ mart ayında Rusiyägä säfär yasayaçağın, may ayında da NATO Liderlar oçraşuında Amerika Quşma Ştatları däwlät başlığı Donal’d Tramp belän küreşep söyläşäçägen äytüen yaza.
Xäbärgä kürä Qalın Ärdoğannıñ kiläse ayda Rusiyädä Törkiyä-Rusiyä Yuğarı däräcäle xezmättäşlek şurası cıyılışında qatnaşaçağın belderde.
Xäbärdän kürengänçä süzçe Qalın Törkiyä ilbaşı Ärdoğan belän AQŞ däwlät başlığı Trampnıñ söyläşüe belän bäyle bularaq ta tübändägelärne citkerde: “May ayında NATOda ara oçraşu uzaçaq. Xörmätle ilbaşıbız qatnaşaçaq. Anda üzara söyläşü ütkäräçäklär. Söyläşüdä törek-amerikan mönäsäbätläre qaralaçaq.”
“Watan” gazetı Törkiyäneñ Ênergetika häm tabiği çığanaqlar ministrı Bärat Albayraknıñ Törkiyäneñ monnan sonğı barışta cirle ênergetika çığanaqlarına yünäläçägen belderep: “Törkiyä ênergiya öçen yılda 50 milliard dollarnı çit illärgä birgändä tağın da äz birä başlayaçaq. Bu beräwlärne borçuğa salır, açulandırır häm ayırmlı ısullarnı sınap qararğa êtäräçäk,” – digän süzlären uquçıları belän urtaqlaşa.
Xäbärgä kürä Ênergetika bazarı sisteması oyışmasınıñ 15 yıllığı uñayınnan oyıştırılğan programmada çığış yasağan ministr Albayrak soñğı yıllarda barlıqqa kilgän möhim global’ krizislarğa qaramastan Törkiyäneñ ênergetika tarmağında üsep, çığanaq törlelegen arttırıp, asqorıma investiśiyalären däwam itterüen häm uzğan yılnı êlektr citeşterüneñ 49,3%ın cirle çığanaqlardan täêmin itüen, 10 yıldan soñ da ênergetika êksportlıy başlayacağın äytte.
“Xörriyät” gazetı “Fatir aluçı anı ber yıl buyı sata almayaçaq” isemle yazmasında xökümätneñ çit il keşelärenä küçmäs milek satuda täêmin itelgän uñaylıqlarğa rizasızlıq häm tänqitlärne iğtibarğa alıp, tağın ike yaña xökem östäwen citkerä.
Gazet yazuınça Östämä qimmät salımı tülämiçä küçmäs milek satıp alu xoquqı bulğan çit il keşeläre bu mileklärne ber yıl buyı sata almayaçaq.
Xäbärgä kürä ikençe xökemgä kürä çit il keşelärenä tanıluçı xoquqlar çit illärdä yäşäwçe töreklärgä dä tanıla.
