Törek matbuğatına küzätü 05.12.2016

 “Star” gazetı” Üz uyınıbıznı uynayaçaqbız” isemle yazmasında Kayserida 30 äsärneñ kümäk açılışın yasağan Törkiyä ilbaşı Räcäp Tayyip Ärdoğannıñ Rusiya, Qıtay häm İran belän säwdädä cirle aqça qullanu öçen söyläşülär alıp baruların belderep “Uyınnar qarşında üz uyınıbıznı uynayaçaqbız” dip äytüen citkerä.

Xäbärdän kürengänçä,Ärdoğan prem’yer - ministr Binali Yıldırımnıñ Rusiyägä kitäçägen , ul töbäktä söyläşülär ütkäräçägen belderde. İlbaşı Räcäp Tayyip Ärdoğan xalıqnı qullarında bulğan valyutalarnı törek lirasına almaştıru çaqıruın da yañarttı.

”Vatan” gazetı “Çavuşoğlu tışqı säyäsättä al’ternativanıñ küp buluı kiräklegen belderde” isemle yazmasında jurnalistlarnıñ sorawlarına cawap bigän Törkiyä tışqı êşlär ministrı Mävlüt Çavuşoğlunıñ Şanxay xezmättäşlek oyışması bäxäsläre belän bäyle “Maqsatıbız-küp yaqlı tışqı säyäsät alıp baru. Al’ternativalarnıñ härwaqt küp buluı zarur”dip belderüen citkerä. Ber yaqqa moxtac bulıp qalmaw kiräklegenä basım yasağan Çavuşoğlu moña ürnäk itep Awrupa Berlegen kürsätte. Çavuşoğlu Berlekneñ yıllar buyı buşqa waqıt uzdıru taktikası alıp baruın ,Törkiyäneñ Aziya belän ,Yaqın Könçığış belän mönäsäbätläre niqadär köçle bulsa Aqrupa Berlege qarşında da köçen tağın da arttıracağın ,şuna kürä küp yaqlı tışqı säyäsät alıp baru kiräklegen assızıqladı.

”Sabah” gazetı “Rusiya oçqıçın bärep töşerü ämeren Fätullahçı terror oyışması polkovnigı birgän” isemle yazmasında  Rusiya Federaśiyäse Fännär akademiyäse qarşındağı Şärıq institutı xezmätkäre Ruslan Qorbanovnıñ mäs’älä belän bäyle tübändäge süzlären citkerä:” 2015 nçe yılnıñ 24 nçe noyabrendä Süriyä çik buyında Rusiya oçqıçın bärep töşerü ämeren kem birde? Bu ämerne ilbaşı da, prem’yer-ministr da birmäde. Älege ämerne İncirlik bazasındağı polkovnik birde.Bu polkovnik çınbarlıqta Fätullah Gülänneñ keşese ide. Fätullahçı terror oyışması-ğamäldä  Üzäk küzläw idaräse CIAnıñ agent çeltäre. Distälärçä yıl däwlätneñ êçenä ütep kerdelär. Fätullah Gülänneñ AQŞta yäşäw röxsäte aluına da CIA agentları yärdäm itte. Tüntäreleş kereşüe waqıtında İncirlik bazası Troya atı wazıyfasın başqardı. Rusiya belän Törkiyäneñ arasın bozarğa tırıştılar”.

 “Xörriyät” gazetı” Törkiyädä citeşterelgän berençe gibrid avtomobil’gä zur qızıqsınu kürsätelä” isemle yazmasında Törkiyädä êşläp çığarılğan häm berençe gibrid avtomobil’ bulğan Toyota C-HR maşinasına zur qızıqsınu kürsätelüen uquçıları belän urtaqlaşa.

Gazet yazuınça, 15 nçe noyabr’dä satuğa çığarılğan avtomobil’dän 2 atnada 1016 danä satıldı.

”Xäbär Türk” gazetı “İñ yaxşılar Törkiyä häm Nigeriyadan” isemle xäbärendä İstanbulda 29 nçı Best Model of the World bäygeseneñ finalı uzuın xäbär itä.

Xäbärdän kürengänçä,20 xatın-qız häm 20 ir-at manekınçı köç sınaşqan bäygedä ir atlar arasında Törkiyädän Onur Säyit Yaran,xatın-qızlar arasında isä Nigeriyadan Joy Akpokinovo berençe urınğa layıq buldı.