Törek matbuğatına küzätü 21.11.2016

“Sabah” gazetı “Töreklärneñ Awrupa Berlegenä PKK-FETÖ üpkäse” isemle xäbärendä Awrupanıñ Törkiyägä qarata xaqsız tänqitlärenä bu illärdä yäşäwçe töreklärneñ reakśiya belderüe turında yaza.

Gazet yazuınça, uzğan könnärdä Germaniya häm Bel’giyadan meñnärçä törek qatnaşında uzğan “Terrorğa läğnät,demokratiyägä çaqıru” isemle mitinglar kiçä Franśiya häm Gollandiyada da ütkärelgän.

 Protest çaralarına distälärçä ictimaği oyışma da yaqlaw kürsätkän. Franśiya başqalası Parijda cıyılğan meñnärçä törek terror oyışmaların ğayeplägän. Gollandiyadağı çarada isä terrorğa yaqlaw kürsätüçe Awrupa illärenä reakśiya belderelgän.

 “Xörriyät” gazetı” Kipr mäs’äläsendä  liderlar êşkä kereşte” isemle yazmasında bügen tämamlanacağı açıqlanğan Şveśariyädäge yuğarı däräcäle oçraşuğa comğa kiçen Törkiyä  ilbaşı Räcäp Tayyip Ärdoğan häm Greśiya prem’yer-ministrı Aleksis Çiprasnıñ telefonnan söyläşüe üz êzen qaldıruın citkerä.

 İke lider söyläşülarneñ soñğı adımında garant illär Törkiyä, Greśiya häm Angliya da qatnaşaçaq yuğarı däräcäle oçraşunı dekabr’ ayında ütkärüne söyläşte.

”Xäbär Türk” gazetı “Hawa xäräkätenä yaña kadrlar” isemle xäbärendä İstanbuldağı yaña hawa mäydanınıñ küp kenä tarmaqta dönya külämendä iñ zur bulu üzençälegenä iyä bulaçağın belderä.

 Xäbärdän kürengänçä, bolardan berse hawa xäräkäten 800 keşeneñ idarä itüe bulaçaq. 4 êtapta tözeläçäk hawa mäydanınıñ 90 million yulçı sıydırışlı täwge êtabın 2018 nçe yılnıñ 26 nçı fevralenä ölgertü öçen êşçänleklär däwam itä.

”Vatan” gazetı “Millionnarça Toyotağa Törkiyä imzası” isemle xäbärendä “Toyota”nıñ 350 million yevro kapital belän Sakarya êşxanäsendä törek injenerları tarafınnan êşläp çığarıla başlağan C-HR modele  know how’ınıñ töp üzäk Yaponiyağa transfer iteläçägen citkerä.

 Xäbärdän kürengänçä, törek injener Mäxmät Fatix räislegendäge törkem proyektlağan C-HRnıñ êçke öleşe kiläse däwerdä êşläp çığarılaçaq millionnarça yaña “Toyota”da qullanılaçaq.

“Yäni Şafak” gazetı “22 il belän Törek –Ğaräp palatası” isemle yazmasında Törkiyä palatalar häm birjalar Berlegeneñ ağımdağı yılnıñ 24 nçe noyabrendä Ğaräp palatalar Berlege belän İstanbulda kileşügä qul quyıp Törek – Ğaräp palatası buldıraçağın uquçıları belän urtaqlaşa.

Älege palata 2 trillion 700 million dollar külämendäge iqtisadqa iyä bulğan 22 il belän törek êş dönyasın bergä oçraştıraçaq.

 Törkiyä palatalar häm birjalar Berlege başlığı Rifat Hisarcıklıoğlu Törek-ğaräp palatasınıñ urtaq çaralar häm êşçänleklär belän Törkiyä belän ğaräp illäre arasında säwdä häm investiśiya mönäsäbätlären üsterügä öleş kertäçägen belderde.