Törek matbuğatına küzätü

“Xörriyät” gazetı “Törkiyä häm Afrika ber törgä qarşı” isemle xäbärendä Törkiyä ilbaşı Räcäp Tayyip Ärdoğannıñ Törkiyä-Afrika İqtisad häm êş forumınıñ açılışında könbatış illäreneñ global’läşüne ber törgä äylänü itep añlawın citkerep, iqtisadnı üsterer öçen berdänber yulnıñ Xalıqara valyuta fondı häm Dönya bankı kreditları belän yuğarı prośent buluınıñ däğwa itelüen assızıqlawın yaza.

Xäbärgä kürä “Törkiyä häm Afrikanıñ zamança tarixı mondıy sistemağa rizasızlıq belderü, qarşı çığu tarixıdır,” – digän Ärdoğan: “Bez monnan 93 yıl êlekkege Azatlıq suğışınnan soñ, sez dä 1950 häm 1960nçı yıllar buyı alıp barğan antikolonial’ çor azağında illärebezne zur qarşı töşülärdän soñ qordıq. Bez izelüçe il buludan baş tarttıq. Bez ikençe sıynıf keşese buluğa qarşı çıqtıq. Bez cir yözeneñ lägnätlängännäre bulmayaçağıbıznı bar dönyağa iğlan ittek. Afrikalılar törek qardäşläre kebek ük ireklären şäfqat’, igelek belän tügel, ä köräşep qazandılar,” – dide.

“Watan” gazetı “Rusiyädä Süriyä häm “DEAŞ” oçraşuı” isemle yazmasında Törkiyäneñ Ğomüm ştab başlığı, Armiya generalı Hulusi Akar belän Rusiyä Federaśiyase Ğomüm ştab başlığı, Armiya generalı Valeriy Gerasimov arasında çärşämbe könne Mäskäwdä oyıştırılğan söyläşüdä Süriyädäge bäreleşlärneñ çişeleşe häm Halebtağı wazğiyätneñ cayğa salınuı belän “DEAŞ” terror oyışmasınıñ yanaw buludan tuqtap, töbäktäge iminlekneñ qısqa waqıtta telängän däräcägä citkerelüe maqsatı belän ike il arasındağı koordinaśiyaneñ qamilläşterelep, däwam itterelüe mäs’äläläreneñ qaraluın citkerä.

Xäbärdän kürengänçä Ğomüm ştab räislegennän mäs’älä belän bäyle yasalğan açıqlawda söyläşüneñ uñay atmosferada uzuı assızıqlanğan.

“Xäbär türk” gazetı “Avtomobil’ bazarında üktäbr’ ayı rekordı quyıldı” isemle yazmasında Törkiyä avtomobil’ häm ciñel kommerśiya transport çaraları bazarınıñ 2015nçe yılnıñ berençe 4 ayında aldağı yıl belän çağıştırğanda 57,11%ka üsüen uquçıları belän urtaqlaşa.

Gazet yazuınça Avtomobil’ Distrib’yutorları cämğiyätennän yasalğan açıqlawğa kürä Törkiyä avtomobil’ häm ciñel kommerśiya transport çarası bazarında 2015nçe yılnıñ berençe 4 ayında 264 meñ 850 transport çarası satıldı häm bu san 2011nçe yılğı rekord satışnı da uzdı.

“Sabah” gazetı zamança sänğatneñ iñ matur ürnäklären sänğat söyüçelär belän oçraştırğan Contemporary İstanbul yärminkäseneñ İstanbuldağı Lütfi Kırdar Xalıqara Kongress häm kürgäzmä sarayında oyıştırıluın yaza.

Xäbärgä kürä çärşämbe könne çaqırulı keşelärgä äsärlär täqdir itelgän yärminkägä 10 meñnän artıq dönyanıñ häm Törkiyäneñ tanılğan sänğat söyüçeläre kilde.

Xäbärdän kürengänçä uzğan yılnı 86 meñ qatnaşuçı kilgän çarağa bıyıl qızıqsınunıñ kübräk buluı kötelä. 20 ildän 70 galereya häm 520 sänğatçe meñ 500dän artıq äsär belän qatnaşqan Contemporary İstanbul 6nçı noyabr’ könenä qadär baraçaq.

“Yäni Şafak” gazetı “Tanılğan gol’fçılar Antaliyada yarışaçaq” isemle xäbärendä dönyanın iñ yaxşı gol’f uyınçılarınıñ Törek hawa yulları sponsorlığında oyıştırılğan “Turkish Airlines Open 2016”da qatnaşır öçen Antaliyada oçraşuların citkerä.

Xäbärgä kürä pänceşämbe könne başlanıp, 6nçı noyabr’ könenä qadär baraçaq turnirda 78 gol’fçı 7 million dolarlık büläk öçen köç sınaşaçaq.