Törek matbuğatına küzätü 31.05.2016
31nçe may könne basılıp çıqqan qayber törek gazetlarına küzätü
“Xörriyät” gazetı “Terrorçılıqtan arındırılğan töbäklärgä qaytular başladı” isemle xabärendä Hakkarineñ Yüksekova ilçäsendä çoqırlarnıñ yabıluı, barrikadalarnıñ beterelüe häm ilçädäge PKKlı terrorçılarnıñ tä’sirsez xälgä kiterelüe öçen başlatılğan operatsiyalärneñ tämamlanuın yaza.
Xäbärgä kürä tınıçlıq urnaştırılıp, PKKlı terrorçılar arqasında başqa töbäklärgä küçep kitärgä mäcbür qalğan watandaşlar yözlärçä transport çaralıq konvoylar belän ilçägä kilä başlağan.
Gazet yazuınça demokratiyaläşü belän ber ük waqıtta investitsiya, citeşterü häm eş belän tä’min itügä qarağan eşçänleklär başqarılaçaq.
“Watan” gazetı “Rakka planı” isemle xäbärendä Törkiyäneñ tışqı eşlär ministrı Mäwlüt Çavuşoğlunıñ Törkiyä AQŞqa täqdim itkän Süriyä planın berençe tapqır açıqlawın yaza.
Xäbärdän kürengänçä planda Süriyäneñ Rakka şähäreneñ “DEAŞ” terror oyışmasınnan kire alınuı öçen törek häm AQŞ maxsus berlekläreneñ urtaq operatsiyase dä bar.
Xabärgä kürä töbäktä Bäysez Süriyä armiyaseneñ äkren dä bulsa, terror oyışması qarşında alğarış tä’min itüen assızıqlağan Çavuşoğlu AQŞ belän urtaq eş başqarıp, Cerablus liniyasennän tağın ber front açu öçen Rakkanıñ alına alacağın belderde.
“Star” gazetı “Awrupa yazı” itep taswirlanğan Frantsiyadäge çığışlarda politsiya kürsätkän qırıslıqqa Törkiyädän aqıllı fiker yörtü çaqıruınıñ yasaluın citkerä.
Gazet yazuınça Törkiyä ilbaşı Räcäp Tayyip Ärdoğan häm tışqı eşlär ministrlığı: “Borçılabız” yullamasın yasadı.
Xäbärdä tışqı eşlär ministrlığı süzçese Tanju Bilgiçneñ tübändäge süzläre urın ala: “Frantsuz iminlek köçläreneñ çığışlarğa qarşı könnän-kön qırıslaşa baruçı qatışuları öçen dä borçılabız, räsmi zatlarnı protestlarğa qarşı ülçäwsez köç qullanudan taypılırğa çaqırabız”.
“Sabah” gazetı “Waqlap satuçı markalar e-eksportnı başlata” isemle yazmasında törek waqlap satu tarmağınıñ online säwdädä globalläşüen yaza.
Xäbärdän kürengänçä 2011nçe yılda GittiGidiyor säxifäsen satıp alıp, Törkiyä bazarına kergän eBaynıñ törek waqlap satu markaları uñışların çit ildä satuın tä’min itäçäk sistema qora.
Gazet yazuınça älege sistema çınğa aşqaç şirkätlär produktsiyalären çit illärdä qabat satu mömkinlegen tabaçaq. Törek şirkätläre monnan soñ uñışların turıdan-turı aluçılarğa sataçaq.
