Törek matbuğatına küzätü
26nçe may könne basılıp çıqqan qayber törek gazetlarına küzätü
Törek matbuğatına küzätü 26.05.2016
26nçe may könne basılıp çıqqan qayber törek gazetlarına küzätü
“Sabah” gazetı “Başlıq sistemasına kiçü öçen köçle yullama” isemle xäbärendä
Bianli Yıldırımnıñ premyer-ministrlıqtağı 65.Xökümät eşläw çorın ber başlangıç belän başlap cibärde dip yaza.
Gazet Ministrlar kabinetınıñ berençe ciyılışının Törkiyä däwlät başlığı Räcäp Tayyip Ärdoğannıñ citäkçelegendä ütkärüeneñ Yaña Törkiyäneñ kodların añlaw cähätennän küzgä taşlanıp torğan ber işarät bulğanın citkerä.
Xäbärgä kürä, Beştepe Kölliyäsendä ütkärelgän ciyılış başlıq sistemasına kiçü yulında eçke häm tışqı cämäğätçelekkä yasalğan iñ köçle yullama bularaq bäyälände; Bu ciyılış yaña çorda däwlätneñ yuğarı däräcäle oçraşuında ahäñ häm kiñäşläşüne alğa planğa çığaraçağın açıq räweştä kürsätkän.
“Yäni Şafak” gazetı “Tarixı açılış-tarixı yullama” isemle xäbärendä
Törkiyä däwlät başlığı Räcäp Tayyip Ärdoğan belän Premyer-ministr Binali Yılıdırımnıñ terrornıñ ezläreneñ sörtergä tırışılğanı Diyarbakırğa şimbä könne çığış yasayaçağın yaza.
Gazet Diyarbakır aeroportınıñ yaña terminal binasını xezmätkä açaçaq Ärdoğan belän Yıldırımnıñ terror belän köräş mäsäläsendä mohim yullamalar yasayaçağın belderä.
Xäbärdän kürengänçä, Ärdoğannıñ PKK terror oyışmasınıñ bombası belän 16 keşeneñ wafat bulğan awılı Dürümlügä säfär qılaçağı planlaştırıla;
İke yıl elek tözeleşe planlaştırılğan yaña terminal binası belän Diyarbakır çit ilgä açılaçaq.
“Star” gazetı “Trakiyanıñ gazı 2017nçe yılnıñ mart ayında ağaçaq” isemle xäbärendä
Törkiyäneñ energiyäsendä tışqa bäyläneşen azaytu öçen mohim proyektlardan berse ğämälgä kiçä dip belderä.
Gazet Çanakkale Geliboludağı “Poyraz cirendä çığarılğan tabiği gaznıñ töp ütkärgeç liniyäsenä bäylänü belän bäyle kalendarneñ tögällänüen yaza.
Xäbärgä kürä, Monnan çığarılğan tabiği gaznı säwdä wazğiyätenä kiterü barışının 2017nçe yılnıñ mart ayında tämamlanuwı küzdä totıla; “BOTAŞ”nıñ taratu çılbırına bireläçak gaz Törkiyä-Gretsiya tabiği gaz ütkärgeç liniyäsenä bäylänäçäk.
“Watan” gazetı “Dönyada tizlegebezgä ireşüçe yuq” isemle xäbärendä
Törkiyä palatalar häm birjalar berlege (TOBB) başlığı Rifat Hisarcıklıoğlunıñ:
“Bıyılnıñ berençe çäyrägennän başlap sänäğät citeşterüebez 2015nçe yılnıñ şul uq çorınıñ 5,6% külämendä bulıp tora. Qıtay häm Xindıstannı eçenä almasaq, şuşındıy ber näticälelekneñ dönyada başka ürnäge yuq. Uzğan yılda iqtisadi üseşebez -4% ide. 2016nçe yılda bu küläm dä artaçaq” ,dip äytüen yaza.
“Xörriyät” gazetı “Dönyanıñ barı tik ber bäbi müzeyi-Kapadokiyada” isemle xäbärendä
Törkiyäneñ iñ ähämiyätle turizm üzäklärennän Kapadokiya töbägendä, dönyanıñ berençe häm barı tik ber bäbi müzeyi cirle häm çit il tursitlarnı töbäkkä caläp itä dip belderä.
Xäbärgä kürä, Nevşehirnıñ Ürgüp ilçäsenä bäyle Mustapaşa awılındağı 170 yıllıq Sinasos qunaqxanäsendä tragakanttan yasalğan yaqınça 2 meñ bäbine kilüçelärgä kürsätelgän, Törkiyäneñ berençe, dönyanıñ isä temalı barı tik ber bäbi müzeyi nigezendä bulğan kapadokiya sänğät tarixı müzeyi, cirle häm çit il turistlarnı qabul itä.