Törek matbuğatına küzätü 23.05.2016
23 nçe may könne basılıp çıqqan qayber törek gazetlarına küzätü
“Sabah”gazetı “Çarasız tügelbez,çara –bez”isemle xäbärendä Törkiyä ilbaşı Räcäp Tayyip Ärdoğannıñ “Sabah”gazetı öçen maxsus mäqalä yazuın belderä.
Xäbärdän kürengänçä, dönyadağı bik küp problemanıñ nigezendä matdi qıtlıq tügel, märxämät häm simpatiya citmäwçänlege yatuın belderüçe Ärdoğan global vöcdannı xäräkätländerü kiräklegenä basım yasadı.
“Törkiyä tarix däwamında suğışlar ,sörgennär, zolımnan qaçqan keşelär öçen ışanıçlı ,imin sıyınu urını buldı. Törkiyä bügenge köndä dä 5 qitğada 140 tan kübräk ilgä 6 milliard 400 million dollar külämendä humanitar yärdäm başqarıp milli keremenä kürä dönyanıñ iñ yumart ile”dip belderde.
“Xäbär Türk” gazetı” “Keşelek dönyasınıñ qaraşı İstanbul sammitına töbälgän” isemle xäbärendä 23 nçe mayda İstanbulda Bötendönya humanitar sammitı uzuı turında yaza.
Gazet yazuınça,120 ildän 50 lider qatnaşuçı yuğarı däräcäle oçraşuda yärdämğä moxtac 130 million keşeneñ problemaların çişü yulları ezlänä. Berläşkän Millätlär Oyışması tarixında berençe tapqır ütkärelüçe Bötendönya humanitar sammitın BMO ğomum särqätibe Ban Ki Moon belän Törkiyä ilbaşı Räcäp Tayyip Ärdoğan citäkli.Törkiyä dönyanıñ iñ zur öçençe donorı häm milli kereme küzdä totılğanda iñ yumart donor sıyfatında älege yuğarı däräcäle oçraşunı ütkärüne üz östenä aldı.
“Star”gazetı”Törkiyädäge sälamätlek saqlaw sisteması AQŞta yuq” isemle xäbärendä küzänäkläre zıyan kürgän DNK larnı niçek tözätüen häm genetik mäğlümatın saqlap qaluın karta xälenä kitergän tikşerenüläre näticäsendä 2015 Nobel ximiya bülägenä iyä bulğan törek ğalime professor doktor Aziz Sancarnıñ Törkiyädäge sälamätlek saqlaw sistemasınıñ dönyadağı küp ildän alda buluın belderep ,Törkiyädä däwalanunıñ bik tiz häm arzan buluına basım yasawın citkerä.
Xäbärdän kürengänçä, Amerika Quşma Ştatlarındağı meditsina xezmätlärenä dä tuqtaluçı Aziz Sancar “Törkiyädäge tiz häm sıyfatlı sälamätlek saqlaw sisteması AQŞta yuq. Anda däwalanu da, darular da bik qimmät. İñ bay il AQŞta bu sistemanıñ bulmawı borçuğa sala, monı alar da qabul itä”dide.
“Yäni Şafak”gazetı “İstanbulda yaxta turları bik arzan” isemle xäbärendä yaxta turizmınıñ könnän kön tağın da arta baruın belderä.
Gazet beldergänçä, elek barı tik baylarnı ğına qızıqsındırğan yaxtalarğa xäzer isä urta keremle keşelär dä iğtibar kürsätä başladı. İstanbuldağı Bosfor buğazında xäzer isä arzan bäyägä yaxta arendalarğa mömkin.
“Xörriyät” gazetı” İnglizlär Törkiyä xaqında söyläşä” isemle xäbärendä Awrupa 2008 däge tarixi yarım final uñışınnan 8 yıl uzğaç böyek turnirda qatnaşuçı Törkiyä cıyılma futbol komandasınıñ zur qızıqsınu uyatuın uquçıları belän urtaqlaşa.
Angliyäneñ tanılğan media oyışması” Independent”Törkiyä cıyılma komandası xaqında bäyälaw äzerläde. Analizda kadrdağı ğorbätçe futbolçılarnıñ Törkiyä öçen zur ähämiyätkä iyä buluı assızıqlandı.
