Törek matbuğatına küzätü 09.05.2016

 “Xörriyät” gazetı “Awrupada Ärdoğannıñ viza belän bäyle süzläreneñ qaytawazları däwam itä”isemle xäbärendä Törkiyä ilbaşı Räcäp Tayyip Ärdoğannıñ Awrupa Berlegeneñ vizadan azat itü öçen terrorqa qarşı köräş qanunına üzgäreş kertü şartına  “Bez terror höcüme astında bulğanda bernärsä dä üzgärtä almıybız. Härkem üz yulı belän kitsen”digän süzläreneñ qaytawazları däwam itüe turında yaza.  

Gazet yazuınça, Germaniyada neonatsist törkemnär belän alarğa qarşı buluçılar arasındağı qaçaq problemasında törle totışlar artqannan arta bara. Xäzer isä Awrupanıñ qaçaq probleması mäs’äläsendä kiläse könnärdä yasayaçağı adımnar qızıqsınu belän kötelä.

“Yäni Şafak”gazetı “PYD”terror oyışmasına da engagement yulda” isemle xäbärendä  Törkiyäneñ “PKK”terror oyışmasınıñ Süriyädäge törkeme “PYD” öçen dä engagement qağidälären ğamälgä kertergä äzerlänüen xäbär itä.

Törkiyä üz cirlärenä “PYD”dan nindi dä bulsa höcüm başqarılğan oçraqta çik aryağındağı “PYD”kantonnarına höcüm itäçäk.

“Star”gazetı “Törkiyädäge millioner sanı arta” isemle xäbärendä Törkiyä iqtisadi belän bäyle  yaxşı xäbarlär kilüen belderä.

Gazet beldergänçä, Törkiyädä bank xisaplarında 1 million liradan kübräk aqçaları bulğan keşe sanı 2012 nçe yılnıñ berençe çiregendä 46 meñ 695 bulğan bulsa, 5 yıldan soñ isä bu kürsätkeç  94 meñ 529 ğa citkän.

“Xäbär Türk” gazetı “Säyäxätçelär İstanbulnı kürergä tiyeş” isemle xäbärendä “TripAdvisor”säyäxät säxifäsendä dönyada säyäxätçelär iñ küp östenlek birgän 10 şähär isemlegendä İstanbulnıñ bıyıl Londonnan soñ ikençe urında urnaşuın belderä.

Gazet yazuınça, İstanbul şähärenä bay kuxnyası,tarixi häm mädäni törlelege , küñel açu programmaları häm xalqınñ yärdäm söyüçe buluı öçen östenlek birelde. 

“Sabah”gazetı “Uyın tarmağınıñ eşxanäse Änkara” isemle xäbärendä Törkiyä başqalası Änkaradağı ber şirkätneñ dönya öçen uyın parkları eşläp çığarıp şähärlärne estetik yaqtan maturaytuın uquçıları belän urtaqlaşa.

Gazet beldergänçä, şirkät 63 ilgä tovarların eksportlıy. 400 gä yaqın xezmätkäre belän tarmaq bularaq Awrupada ikençe urında bulğan “Park Kent”şirkäte böten dönyağa uyın häm park mäydannarı citeşterä.