Törek matbuğatına küzätü 03.03.2016

“Habär Türk" gazetı “Merkelgä Kilis çaqıruı" isemle yazmasında üz xalıq sanınnan tağın da kübräk Süriyä xalqın qunaq itkäne öçen Nobel tınıçlıq bülägenä namzät itep kürsätelgän Kilisneñ qaçaqlar mäs'äläsendä Awrupada iñ urtaçıl qaraşlı säyäsätkä iyä bulğan Germaniya kantslerı Angela Merkelne ğädäti bulmağan rekord sınawı belän şähärgä çaqıruın xäbär itä.

Kilis şähär xakimiyäteneñ oyıştıruı belän törek häm süriyäle 2 meñ 981 xatın-qıznıñ 1 metr yarım kiñlegendä häm 19 metr ozınlığındağı çaqıruğa bergä qul quyıp, Germaniya Kantslerı Merkelgä cibärüen yazuçı gazet Kilis şähär xakimiyäte başlığı Hasan Karanıñ: "Süriyä waqiğasında iñ sizger xäräkät itkän Awrupa liderı bulğan Merkelne 8nçe mart Xalıqara xatın-qızlar köne mönäsäbäte belän Kiliskä çaqırabız", - dip äytüen citkerä.

Gazet çaqırunamäneñ isä “Bötendönya xatın-qızlar rekordları" ölkäsendä “İñ ozın çaqıru" bularaq Ginnes rekordlar kitabına kerüeneñ kötelüen assızıqlıy.

“Yäni Şafak" gazetı "Moody's"tan Törkiyägä maqtaw" isemle yazmasında “Moody's" kredit bäyäläw oyışması başlığı urınbasarı häm Törkiyä baş analistı Alpona Banerjineñ Törkiyäneñ kredit bilgese häm küreneşen (Baa3/negativ) bularaq dekabr ayında raslawın xäterlätep: “Törkiyäneñ iqtisadi üseş küreneşe alğa kitkän zur iqtisadlar belän çağıştırılğanda äle dä köçle", - dip äytüen belderä.

“Star" gazetı "İkesennän berse İlbaşı bulaçaq" isemle yazmasında Amerika Quşma Ştatlarında 8nçe noyabrdä uzaçaq ilbaşın saylaw aldınnan “Super sişämbe" bularaq belengän kritik barışta “Demokrat" namzät kandidatlarınnan Hillari Klinton häm “Cömhüriyätçe" namzät kandidatlarınnan êşmäkär Donald Trumpnıñ cideşär ştatta köndäşlären uzuın yaza.

“Hürriyät" gazetı "Googlenı sörtte" dip atalğan yazmasında Yaponiyada ber mäxkämäneñ “Google" êzläw xezmäteneñ tormışında yaña ber başlanğıç yasarğa teläwçe ber êşmäkärneñ uzğanlığına qağılışlı bularaq êzläw motorında çıqqan mäğlümatlärne sörtüe zarurlığı qararın qabul itüen xäbär itä.