Törek matbuğatına küzätü 15.12.2014
15nçe dekabr könne basılıp çıqqan qayber törek gazetlarına küzätü
“Akşam” gazetı “Yaňa maqsat – milli suğış oçqıçı” isemle xäbärendä saqlanu sänagäte ölkäsendä möhim proyektlar çınğa aşırılğan Törkiyädä 2023nçe yıl maqsatları qısalarında qorallı köçlärneň töp ixtıyaclarınıň barısınıň da ildä citeşterelüeneň maqsat itelüen yaza.
Gazet bu qısada üz milli tankın, köymä, boralaq, oçqıç, raketa häm mıltıq kebek qorallarnı yasağan Törkiyädä yaňa maqsatnıň suğış oçqıçınıň buluın citkerä.
“Sabah” gazetı “Awrupada iň küp söyläşüçe – Törkiyä” isemle xäbärendä 2014nçe yılnıň öçençe çiregendä 370 minut bulğan urtaça kesä telefonın qullanu waqıtı belän Törkiyäneň Awrupa illäre belän çağıştırğanda iň küp kesä telefonında söyläşüçe il buluın yaza.
Xäbärdän kürengänçä 2012nçe yıldan birle kesä telefonında in küp söyläşülär ütkärelgän Törkiyä Frantsiya, Şvetsiya, Norvegiya häm Gretsiyane artta qaldırdı.
“Xörriyät” gazetı Xalıqara kapital bazarlarındağı uňışları belän AQŞnıň finans üzäge bulğan “Wall street”nıň tanılğan fond citäkçese Äxmät Okumuş qorğan “Okumus Opportunistic Value Fund’nıň 2014nçe yılda Amerikadağı irekle investitsiya fondları arasında iň yuğarı kerem tä’min itkän fond buluın xäbär itä.
“Xäbär türk” gazetı törek injenerları yasağan oçqıç eçendäge qızıqlı sistema yärdämendä barlıq yulçılarnıň soňğı texnologiyale telefon, planşet häm sanaqlar belän kabelsez “offline 3G” sistemasına totaşıp, film, muzıka, serial, programma qarap, uyın uynap, gazetlar uqıy alaçaqların yaza.
Gazet yaňa sistemanıň texnik material, tartması häm qorıluınıň Törek hawa yulları, programmanıň isä Havelsan injenerları tarafınnan kerteläçägen belderä.
“Yäni Şafak” gazetı “140 yıldan soň qabat kürelde” isemle xäbärendä Törkiyädä berençe tapqır kürelgän 1874nçe yıldan birle qoşlarnı küzätüçelär räsemgä töşerer öçen ezlägän qotıp aqçarlağınıň Rizä yar buylarında kürelüen yaza.
Xäbärdä Rizä yar buyında qoşlarnı küzätkän Murat Saltuknıň comğa könne ayırmalı aqçarlaq tören räsemgä töşerü urın ala.
Gazet Törkiyäneň aldınğı qoş küzätüçeläre belän ütkärelgän bäyäläwlär näticäsendä bu aqçarlaq töreneň 1874nçe yılda İstanbulda kürelgän qotıp aqçarlağı buluınıň aňlaşıluın uquçıları belän urtaqlaşa.
