Törek matbuğatına küzätü 13.12.2014

”Sabah”gazetı “Eş dönyası İstanbulda oçraşa” isemle xäbärendä G-20 neñ eş dönyası törkeme B-20 Törkiyä başlanğıç cıyılışınıñ 15 nçe dekabrdä İstanbulda uzaçağı turında yaza.

Gazet beldergänçä, cıyılışta Törkiyädän häm çit illärdän 300 dän kübräk eşmäkär qatnaşaçaq.

“Vatan”gazetı “Ozaq yıllar Törkiyädä qalaçaqlar” isemle xäbärendä “Financial Times”gazetınıñ Törkiyädäge süriyäle sıyınuçılarnıñ wäzğiyäte häm alarnıñ çığımnarı xaqındağı ber xäbärgä urın birä.

Xäbärdä illären taşlap Törkiyägä kilep sıyınğan süriyäle qaçaqlarnın ozaq yıllar Törkiyäda qala alularına basım yasala.

“Financial Times”Süriyädä 3 yıldan kübräk däwam itkän watandaşlar suğışı arqasında yäşägän cirlären taşlap kitärgä mäcbür bulğan süriyälelär sanınıñ 9 millionğa citüen citkerä.

“Yäni Şafak”gazetı “Tambi Asaad Rusiyädä çığış yasadı” isemle xäbärendä Süriyädän Törkiyägä kilep sıyınğan häm ğailäse belän Bursada yäşi başlağan , Törkiyä ilbaşı Räcäp Tayyip Ärdoğan qul quyğan qararnamä nigezendä Törkiyä watandaşı bulğan çığışı belän çärkäz bulğan yäş pianist Tambi Asaadnıñ Rusiyäneñ Sankt Peterburg qalasında uzğan xalıqara muzıka bäygesendä qatnaşuın belderä.

Xäbärdän kürengänçä, Tambi Asaad bäygedä Törkiyäne wäkillek itüe öçen üzen bäxetle itep xis itüen häm monıñ belän ğorurlanuın citkergän.

“Akşam”gazetı “Ruslar yänä Tarkannı teli” isemle xäbärendä Törkiyä tsitruslarınıñ dönyadağı payın arttıru öçen 2009 nçı yılda cırçı Tarkan belän reklama äzerlägan Tsitrus tanıtu törkemeneñ bıyıl da şul uq cırçı belän eşçänlek başqarırğa teläwen uquçıları belän urtaqlaşa.

Gazet älege reklamanıñ ayıruça Rusiya bazarı eksportına zur öleş kertüen belderä.

“Milliyät”gazetı “İstanbul Marina proyektına bülak” isemle xäbärendä İstanbul şähärendä tornmışqa aşırılğan İstanbul Marina proyektınıñ “International Property Awards”nıñ 2014-2015 nçe yıllardağı tözeleş kategoriyäsendä dönyanıñ iñ yaxşı proyektı itep saylanuın xäbär itä.