Törek matbuğatına küzätü 12.12.2014
12nçe dekabr könne basılıp çıqqan qayber törek gazetlarına küzätü.
“Milliyät” gazetı “Amerika Quşma Ştatları F-35 reaktiv oçqıçlarınıñ motorın tözekländerü öçen Törkiyäne saylap aldı” isemle xäbärendä Amerika Quşma Ştatları saqlanu ministrlığı PENTAGONnıñ yaña buın F-35 xärbi öçkıçlarınıñ awır motor tözekländerü eşlären 2018nçe yıldan başlap Törkiyädä yasalaçağın açıqlawın yaza häm Törkiyä belän bergä 9 ilneñ urtaq konsortsiumı eşläp çığarğan F-35 xärbi oçqıçnıñ tawıştan ta tiz oça aluın häm radarga totılmaw üzençälegena iyä buluın belderä.
“Hürriyät” gazetı “Törek ağımı” ütkärgeçe 2017 yılga äzer” isemle xäbärendä Törkiyä Energetika ministrı Tanär Yıldıznıñ Rüsiyädän Törkiyägä salınuı planlaştırılğan yaña “Törek ağımı” ütkärgeçe üzqimmäteneñ 16 milliard 300 million yevro (20 milliard 300 million dollar) bulacağın äytüen, Rüsyäneñ isä ütkärgeçneñ 2017nçe yıl axırında äzer buluın belderüen citkerä.
“Akşam” gazetı “Könçığış Afrika kereşendä “Mini Törkiyä” qorılaçaq” isemle yazmasında 500 millionlıq Afrika bazarındagı eşçänlegen arttırunı maqsat itüçe Törkiyäneñ töbäkkä yaqın bulğan illärgä yunälüen belderä häm İqtisad ministrı Nihat Zäybäkçineñ 100 keşelek eşmäkärlär wäkillege belän Könçığış Afrikanıñ Cibuti ilenä eşlekle säfärenä baruın xäbär itä.
Gazet “Cibuti”dä “Maxsus iqtisad töbägen” tözü öçen ike il İqtisad ministrlarınıñ kileşügä qul quyuın yaza.
Xäbärgä kürä, Törkiyä eş dönyası bu kileşü nigezendä böten tarmaqlar öçen maxsus iqtisad töbägen töziyäçäk.
