Törek matbuğatına küzätü 11.12.2014

“Star” gazetı neft häm tabiğıy gaz ezläw eşçänleklären arttırğan Törkiyäneñ Afrikağa yünälüen yaza.

Gazet Törkiyä neftläre aktsionerlık cämğiyäte ğomüm mödir wäkile Bäsim Şişmannıñ ildä häm çit illärdä neft ezläwçe şirkät buluların belderep, Afrikada forsatlarnıñ buluın äytüen citkerä.

Xäbärdän kürengänçä eşçänleklär başta Mozambik häm Angola illärendä alıp barılaçaq.

“Akşam” gazetı “2015 Törkiyä öçen forsat yılı bulaçaq” isemle xäbärendä Törkiyäneñ öçençe çiraktä 1,7%ka üsüen yaza.

Gazet Standart banknıñ üsep kilüçe illär tikşerenü başlığı Tim Ashnıñ älege kürsätkeçkä bäyä birüen citkerä.

Xäbärgä kürä 2015nçe yılnıñ Törkiyä öçen forsat yılı bulaçağın äytkän Ash tübändägelärne belderde: “2014 Törkiyä öçen qabat balanslaw yılı buldı. Nefttä 10 dollarlık tübanäyü ağımdağı defitsitta 4 milliard dollarlık azayu digän süz.”

“Sabah” gazetı “Törkiyä Awrupadan kübräk üste” isemle xäbärendä Törkiyä iqtisadınıñ yılnıñ 3nçe çiregendä 1,7%ka ğına üsüenä qaramastan Awrupa Berlege häm Yevro töbäge iqtisadların artta qaldıruın yaza.

Xäbärdän kürengänçä Törkiyä Statistik oyışması häm Awrupa Statistika ofisı kürsätkeçlärenä kürä 18 äğzale Yevro töbäge şul uq çorda yıllıq 0,8%, 28 äğzale Awrupa Berlege iqtisadı isä 1,3%ka üskän.

“Yäni şafak” gazetı “AQŞ 69 äsärne Törkiyägä tapşırdı” isemle xäbärendä Amerika Quşma Ştatlarınıñ uzğan yılnıñ fevral ayında Manisanıñ Salihli ilçäsennän yalğan isem häm adres belän cibärelgän häm AQŞnıñ New Jersey ştatında Newark hawa mäydanında qulğa töşerelgän 69 tarixi äsärne Törkiyägä tapşıruın belderä.

Xäbärdä 2500 yıl elekkegä xas bulğan äsärlärneñ Lidiya çorınnan bügengä qadär ireşüe urın ala.

“Xörriyät” gazetı “Telegraph uquçılarına kürä dönyanıñ iñ güzäl 20 şähäre” isemle xäbärendä Angliyada çığuçı “Telegraph” gazetı uquçılarınıñ dönyanıñ iñ güzäl 20 şähären bilgeläwen yaza.

Gazet Vena, Berlin, St. Petersburg, Barcelona kebek tanılğan şähärlärne artta qaldırğan İstanbulnıñ isemlektä 11nçe urında buluın uquçıları belän urtaqlaşa.