Törek matbuğatına küzätü 09.12.2014

“Star” gazetı: “Taner Yıldıznıň neft turındağı möhim açıqlawı”isemle xäbärendä Törkiyä energetika häm tabiği çıganaqlar ministrı Taner Yıldıznıň Aljırdan eşqärtelmägän neftne dä kertep neft eşlänmäläre satıp alu turında söyläşüläre xaqında äytüen belderä.

Aljirnıň energetika häm metallurgiya ministrı Yusuf Yusufi belän oyıştırgan matbugat oçraşuında sorawlarğa cawap birgän Yıldız : “Aljırdan 2015 nçe yılnıň 1 nçe ğinwarınnan başlap 10 yıl buyınça 4 milliardtan alıp 4 milliard 400 milion kup metrgä qadar sıyığaytılgan tabiği gaz alunı planlaştırabız”,-dide.

“Sabah” gazetı “ İstanbul xalıqara finans ligasında zur tizlek belän kütärelä”isemle xäbärendä Törkiyäneň tabiği finans üzägendä bulgan İstanbulnıň töbäktäge finans çıganaqların cıyu häm yaňadan bu töbäklärgä yünältü mäs’äläsendä möhim üzäk bulu potentsialına iyä buluın citkerä.

Şähär 2009 nçe yılda Global finans üzäkläre indeksında 72 nce urında bulgan bulsa ,2014 nçe yılda 633 reyting alıp 47nçe urınga kütärelde.
İstanbulnıň 2018 nçe yılda 25nçe urınga kütärelüe kötelä.

“Yäni Şafak” gazetı”Törkiyädä yuvelir äyberlär rekordı” isemle xäbärendä Törkiyäneň yuvelir äyberlär eksportınıň noyabr ayında qımmät bazasında 117 %qa artıp rekord däräcägä citüe turında yaza.

Yuvelir äyberlär eksporterlar berleğe mäğlümatlarına kürä, 2014 nçe yılnıň ğinwar-noyabr çorında altın äyberlär eksportı bıltırnıň şul uq çorı belän çağıştırganda 31.88%qa artıp tuplam 2 milliard 721 million dollar buldı. Farsı qultığı illäre Törkiyäneň yuvelir äyberlär tarmağınıň iň aktiv bazarı bulıp qaluın däwam itterä.

“Akşam” gazetı “Süriyädän qaçqan yäş piyanist Törkiyä watandaşı buldı”isemle xäbärendä Törkiyä ilbaşı Räcäp Tayyip Ärdoğannıň Süriyädän qaçıp Törkiyäğä sıyıngan häm Bursaga kilep urnaşqan 16 yäşendäğe pianist Tambi Äsädkä Törkiyä watandaşlığın birü turındağı qararnamägä qul quyuın xäbär itä.

Tambi Äsädneň Törkiyä watandaşı bulğaç 10 -14 dekabr könnärendä Rusiyädä uzaçaq xalıqara bäygedä Törkiyä isemennän qatnaşu mömkinleğe bar.

“Milliyät” gazetı “Brad Pitt belän ber üq isemlektä” isemle xäbärendä Serbiyanıň iň zur xäbär säxifäse bulğan häm küp kenä Awrupa ilendä zur qızıqsınu belän küzätep barılgan “Blic” säxifäseneň bügenge könneň “saqallı ir-at” simvollarnı saylawın belderä.

Awrupa häm Amerika Quşma Ştatlarınnan şaqtıy şäxes urın ağlan isemlekkä Törkiyädän barı tik Burak Özçivit kertelgän.

“İskitkeç ğasır” serialındağı Bali bäy role belän Awrupadağı xatın-qızlarnıň yöräklären yawlap algan Burak Özçivit isemlektä iň yäş öçençe ir-yeget bulgan.

Game Of Thronesnıň ‘Jon Snow’ nı uynagan Kit Harington, şaqtıy tanılgan filmnärdäge akterlar Johnny Depp häm Brad Pitt ta älege isemlektä urın ala.