Törek matbuğatına küzätü 03.12.2014

“Yäni Şafak” gazetı “Gaz şokı” isemle xäbärendä Rusiyä däwlät başlığı Putinnıñ Törkiyägä säfärendä “Günäy Akım” ütkärgeçen ğamälän çığarıp, Törkiyägä yünälüe Awrupanı şokta qaldıruın yaza.

Gazet Balkan illäre ömet bağlağan yaña tabiğıy gaz ütkärgeçeneñ Törkiyä aşa uzaçağı Mäskäw belän Änkaranıñ strategik partnerlığı bularaq bäyälänelüen citkerä.

Xäbärdän kürengänçä Putinnıñ Awrupağa gaz ağımın tä’min itäçäk yaña ütkärgeçneñ Törkiyä aşa tözeläçägen açıqlawı, ayıruça, Könçığış Awrupa illären butadı.

“Sabah” gazetı “Mapfre” şirkäteneñ här yıl törle ildä yuğarı däräcäle citäkçeläre oçraşuı belän çınğa aşuçı ğomüm mödirlär cıyılışınıñ bıyıl İstanbulda çınğa aşuın yaza.

Gazet cıyılışta çığış yasağan “Mapfre” başlığı Antonio Huertasnıñ Törkiyäneñ investorlar iğtibarın cälep itärgä däwam itterüen äytüen citkerä.

Xäbärdä Törkiyäneñ üzenä xas üzençälekläreneñ buluın häm investorlarnıñ iğtibarın cälep itüen äytkän Huertasnıñ: “Berençedän, Törkiyä zur il häm zur xalıq sanına iyä. İkençedän, däwamlı üsüçe iqtisadı bar. Öçençedän, çınnanda strategik yaqtan bik qimmätle urında tora,”- digän süzläre urın ala.

“Star” gazetı “Travel Turkey İzmir” 4nçe dekabrdä açıla” isemle xäbärendä Törkiyäneñ turizm ölkäsendäge möhim oçraşulardan berse bulğan “Travel Turkey İzmir – Turizm yärminkäse häm konferentsiyase 4nçe dekabr pänceşämbe könne İzmir Xalıqara yärminkä alanında oyıştırılaçaq tantana belän üz işeklären 8nçe tapqır açaçağın yaza.

“Sabah” gazetı “Törek-yapon urtaq filmı” isemle xäbärendä Yaponiyaneñ Änkaradağı ilçese Yutaka Yokoi Yaponiyada batqan Ärtuğrul fregatı turında urtaq film proyektınıñ buluın, kiläse yılnı tögällänüe kötelgän filmda törek häm yapon kinosınnan tanılğan uyınçılarnıñ urın alaçağın açıqlawın yaza.

Xäbärdän kürengänçä Ğosmanlı padişahı Soltan Abdülxämit 2nçe tarafınnan ul waqıttağı Yaponiya imperatorına büläk bularaq birelgän häm utrawğa cibärelgän Ärtuğrul fregatı 1890nçı yılnıñ 16nçı sentyabr könne Kuşimotonıñ Oşima utrawı su kiñlegendäge qıyalarğa bärelep, batqan.