Törek matbuğatına küzätü 31.07.2014
31 nçe iyül könne basılıp çıqqan qayber törek gazetlarına küzätü
“Xörriyät” gazetı “17 tapqır söylädek, yänä dä höcüm ittelär” isemle xäbärendä İzrail armiyäseneñ kiça irtän yänä BMOnıñ fälästinle qaçaqlarğa yärdäm itü oyışması kontrolendäge ber mäktäpkä höcüm itüe turında yaza.
BMOnıñ fälästinle qaçaqlarğa yärdäm itü oyışması ğomum komissarı Pierre Krahenbuhlnıñ İzrailne qırıs räweştä ğayepläwen belderüçe gazet, mäktäp urınınıñ 17 tapqır İzrail armiyäsenä belderelüenä basım yasıy.
“Milliyät”gazetı “Ğazzäneñ sigezdän ber öleşe yortsız qaldı” isemle xäbärendä 1million 700 meñnän kübräk keşe yäşägän Ğazzädä İzrailneñ xärbi operatsiyäse arqasında 240 meñgä yaqın keşeneñ yäşägän cirlären taşlap kitärgä mäcbür buluın xäbär itä.
Gazet berdänber imin sıyınu urını bulğan Berläşkän Millätlär Oyışması mäktäplärena dä İzrailneñ höcüm itüe arqasında tınıç xalıqtan ülemnärneñ artuına iğtibarnı yünältä .
Xäbärdän kürengänçä, räsmi zatlar 23 kön däwam itkän höcümnärdä 1300 dän kübräk keşeneñ ğomere özelüen belderde.
Berläşkän Millätlär Oyışması räsmi zatları bolardan 243 eneñ balalar buluın assızıqlıy.
“Vatan”gazetı “192 ilgä äzer kiyem-salım eksportı” isemle xäbärendä Törkiyäneñ äzer kiyem-salım tarmağınıñ ağımdağı yılnıñ berençe yartıyıllğında eksportın uzğan yılnıñ şul uq çorı belän çağıştırğnda 12,1%qa arttırıp, 192 ilgä 9 milliard 400 million dollar külämendä eksport başqaruın belderä.
Gazet iñ küp eksportnıñ Germaniyağa başqarıluın citkerä.
“Xäbär Türk” gazetı “10 milliard külämendäge festival” isemle xäbärendä 7-29 iyün könnärendä ütkärelgän İstanbul Shopping festivaleneñ tuplam aqça äyläneşeneñ 10 milliard 200 million törek lirası täşkil itüen uquçıları belän urtaqlaşa.
Gazet bu kürsätkeçneñ uzğan yıl belän çağıştırğanda 23,6%qa artuın, bu däwerdä säwdä üzäklärendäge satularnıñ da 29%qa artuın belderä.
“Akşam”gazetı sport säxifäsendä urın alğan “Beşiktaş turga yaqın” isemle xäbärendä çempionnar ligasınıñ 3 nçe alğı saylap alu turınıñ berençe matçında Törkiyäneñ “Beşiktaş”futbol komandasınıñ Niderlandnıñ “Feyenoord “komandasın ciñep , revanş matçı öçen östenlek tä’min itüen belderä.
