Törek matbuğatına küzätü 30.07.2014

“Akşam” gazetı “Küpläp üterü qarañğılığı” dip atalğan yazmasında İzrailneñ isän qaluçılarnı da yuqqa çığaru öçen Ğazzäneñ berdänber elektr stantsiyäsen bombalawın yaza. Elektr bulmağanı öçen şähärgä sunıñ qudırıla alınmawına da iğtibarnı yünältüçe gazet xastaxanädäge yaralanuçılarnıñ çarasız qaluın belderä. Yazmada dönyanıñ bolay da kürä almağan Ğazzäneñ monnan arı bötenläy qarañğılıqta qaluı assızıqlana.

“Yäni Şafak” gazetı “Äxlaqsız täqdim” isemle yazmasında genotsid operatsiyäseneñ ber öleşe bulırğa tırışuçı Tel Aviv universitetınıñ Ğazzädäge basıp alu xäräkätenä quşılu öçen ğäskärgä baraçaq uquçı yäşlärenä 1 yıllıq stipendiya bireläçägen açıqlawın yaza. Gazet stipendiya aqçasınıñ da dönyanıñ şaqtıy ilendäge “Tel Aviv universitetı dusları” häm xäyriyäçelär aradaşçılığı belän cıyılaçağın belderä.

“Star” gazetı “İñ küp çit il särmayäle şirkät Qıtaydan” dip atalğan yazmasında Törkiyä tamğaxanä häm säwdä ministrı Hayati Yazıcınıñ Törkiyädä yılnıñ ikençe çiregendä 185 aksionerlıq cämğiyäte belän 1005 çiklangän cawaplılıq kompaniyäse belän bergä tuplam 1190 çit il kapitallı şirkät tözelüen açıqlawın belderä. Yazmada çit ildän in küp aqçanı isä Qıtay Xalıq Cömhüriyäte watandaşlarınıñ kertüe assızıqlana.

“Milliyät” gazetı “Pirelli Törkiyäda yulğa tabışlı çıqtı” isemle yazmasında “Türk Pirelli”neñ 2014nçe yılnıñ berençe yartısında 617 million törek lirası äyläneş aqçasına ireşüen yaza. Gazet ğinwar-iyün aylarında monnan aldağı yılnıñ şul uq çorına qarağanda äyläneştäge aqça külämen 10%qa arttırğan “Türk Pireli”neñ protsent häm salımnan aldağı tabışın da 100%qa arttıruına iğtibarnı yünaltä. Yazmada “Türk Pirelli” soñğı biş yılda aqça äyläneşen 8%, tabış külämen dä 57%qa arttıruına basım yasala.

“Milliyät” gazetı “Kapadokyada hawa şarı turizmı arttı” isemle yazmasında dönyanıñ iñ möhim qaynar hawa şarı üzäkläre arasında bulğan Kapadokyada bäyräm yalı waqıtında hawa şarı säfärlärenä iğtibar artuına basım yasıy. Gazet ber yılda yaqınça 2 million yarım cirle häm çit il turistı kilgän Kapadokyada qaynar hawa şarlarınıñ iñ küp qızıqsınu kürgän çaralar arasında buluın assızıqlıy.

“Vatan” gazetı “İztuzu tulıp taşa” dip atalğan yazmasında Muğlanıñ Ortaca ilçäsendäge dönyaküläm tanılğan İztuzu plajı häm salqınça suları belän maşhür Yuvarlakçayğa bäyrämdä küp sanda yal itüçelärneñ kilüen yaza.

“Hürriyät” gazetı “Hamburgnıñ kino büläge Fatih Akınğa” isemle yazmasında törek rejissyorı, tsenarist häm prodyusser Fatih Akınnıñ Hamburg film festivalendä “Douglas-tsirk büläge 2014”gä layıq buluın xäbär itä. Gazet festival citäkçese Albert Wiederspiegelneñ: “Akın - häm Törkiyädä häm dä Germaniyada yäşäwçe film prodyusserları öçen ürnäk”, - dip äytkän süzlären citkerä.