Törek matbuğatına küzätü 28.07.2014

“Star”gazetı “Güldän sawbullaşu belderüe” isemle xäbärendä Törkiyä ilbaşı Abdullah Gülneñ bäyräm qotlawında wazifasınnan tınıç küñel belän kitäçäge turında äytüen citkerä.

“Yäni Şafak”gazetı ilbaşı Abdullah Gülneñ bäyräm qotlawın “Tınıç küñel belän kitäm” digän isem astında uquçılarına citkerä.
Xäbärdä Gülneñ” Härwaqıt demokratiya, xoquq östenlegen , keşe xoquqları häm iregen yaqladım. Beräwne dä ayırıp qaramıyça härkemne qoçaqladım”digän süzläre dä urın ala.

“Milliyät” gazetı “Wazifadan kitäm, xezmät itüne däwam itteräm” isemle xäbärendä Törkiyä ilbaşı Abdullah Gülneñ “Ğaziz millätemnän ayırılam , ämma monnan son şundıy uq añlayış belän xalıqqa xezmät itüne däwam itteräçäkmen” digän süzlären citkerä.

“Xörriyät” gazetı “Ğazzä üzäklärne özä” isemle xäbärendä Törkiyä premyer-ministrı Räcäp Tayyip Ärdoğannıñ bäyräm qotlawında Ğazzädäge höcümnärgä tuqtaluın, biredäge mixnät, qayğı-xäsrätneñ üzäklärne özüenä basım yasawın belderä.

“Sabah”gazetı” Ğazzäle yaralılar Törkiyägä kiterelde” isemle xäbärendä İzrailneñ Fälästingä höcümnärendä yaralanğan keşelärneñ Törkiyä premyer-ministrı boyırığı belän Törkiyägä kiterelä başlawın xäbär itä.

“Xäbär Türk” gazetı “Ğazzä öçen İzrail kiñäşçese belän berençe elemtä” isemle xäbärendä Törkiyäneñ Ğazzägä humanitar yärdäm ireşterü öçen Misır häm İzrail belän daimi räweştä elemtädä toruın, kiçä isä syurpriz söyläşü tormışqa aşuın belderä.

Gazet Törkiyä tışqı eşlär ministrlıığı kiñäşçese Färidun Sinirlioğlunıñ İzrail tışqı eşlär ministrlığı kiñäşçese belän küreşep, İzrail aşa Ğazzägä oçqıç belän 17 tonna daru ireşterü mäs’äläsendä kileşüen citkerä.

“Xörriyät” gazetı “Aşığıç şura” isemle xäbärendä Törkiyä premyer-ministrı Räcäp Tayyip Ärdoğannıñ ilbaşı saylawınnan elek Törkiyä palatalar häm birjalar berlegeneñ aşığıç räweştä iqtisad şurası ütkärüen taläp itüe turında yaza.

Xäbärdä cıyılışnıñ 7 nçe avgustta ütkäreläçäge belderelä.

“Milliyät”gazetı “Timer yullar xosusıylaştıru yulında” isemle xäbärendä Törkiyä transport, dingezçelek häm elemtä ministrı Lütfi Älvannıñ Törkiyä timer yullarınıñ xosusıylaştırılaçağın, yök häm yulçı taşunıñ şäxsi şirkätlärgä bireläçäge turında äytüen uquçıları belän urtaqlaşa.

“Vatan”gazetı” Törek professorı yöz küçerep utırtu operatsiyäse yasadı” isemle xäbärendä Germaniyada eşläwçe törek xirurgı professor doktor Can Cädidineñ yöze tulısınça yanıp betkän 26 yäşlek iranlı Fariba Maradiğa yöz küçerep utırtu operatsiyäse yasawın citkerä.

“Xörriyät” gazetı “Törek orkestrı Angliyädä” isemle xäbärendä Borusab filarmoniya orkestrınıñ berençe tapqır Londondağı Proms kontsertlarında çığış yasayaçağın xäbär itä.

“Sabah”gazetı "İrannıñ super ligası Törkiyädä oçraştı” isemle xäbärendä İrandağı futbol klublarınıñ trenirovka öçen Antalya, İstanbul häm Boludağı lagerlarına kilülären belderä.