Törek matbuğatına küzätü 19.07.2014

 “Star”gazetı “İzrailne kileşü çığırdan çığardı” isemle xäbärendä Törkiyägä säfär yasawçı Fälästin däwlät başlığı Mähmüd Abbasnıñ llbaşı Abdullah Gül belän küreşep söyläşüe turında yaza.

Gazet Gül häm Abbasnıñ urtaq matbuğat oçraşuında İzrail höcümnäreneñ maqsatında Hamas belän Fätih arasında tä’min itelgän kileşü buluına basım yasawların citkerä.

“Yäni Şafak”gazetı” Normalläşü mömkin tügel” isemle xäbärendä Törkiyä premyer-ministrı Räcäp Tayyip Ärdoğannıñ Ğazzägä höcüm itüçe İzrail belän mönäsäbätlärne cayğa salunıñ mömkin bulmawı trında äytüen citkerä.

Xäbärdä Ärdoğannıñ tübändäge süzläre urın ala:” İzrail genotsid başqara. İzrail dönyada tınıçlıqqa yanawçı il. Min şäxsän İzrail belän bäyle uñay bernärsä dä uylıy almıym. Ğazzädäge küpläp üterügä “İzrailneñ saqlanu xoquqı” dip yaqlaw kürsätüçe Awrupa häm AQŞ eçkersez tügel”.

“Xäbär Türk”gazetı “Törkiyä ber yöräk bulıp tibä” isemle xäbärendä Ğazzä operatsiyäsenä Törkiyäneñ törle poçmaqlarında rizasızlıq belderelüen citkerä.

Gazet Törkiyä Böyek Millät Mäclesendäge 4 partiyäneñ dä urtaq belderge belän İzrailneñ ciröste operatsiyäsen qırıs räweştä ğayepläwen belderä.

“Milliyet”gazetı “Tropik hawa yulları” isemle xäbärendä Germaniyanıñ Lufthansa aviatsiya şirkäteneñ Törek hawa yulları belän bergä yaña hawa yulı şirkäte qorıp tropik utrawlarğa turist taşırğa teläwen xäbär itä.
Gazet 2015 nçe yılda oçışların başlataçaq hawa yulınıñ 7 oçqıçı bulaçağın citkerä.

“Milliyät”gazetı “Cännättä yalanyaqlı printsessa” isemle xäbärendä Tailand patşalığı taxet varisı Maha Vajralongkornnıñ olı qızı Laha Bajrakitiyabhanıñ yanındağı wäkillek belän Törkiyäneñ aq cännäte diyelgän turistik töbäge Pamukkalenı gizüen xäbär itä.

Xäbärdä Pamukkalenıñ maturlığına soqlanuçı qunaqnıñ qunaqçıllıq öçen olı räxmätlären citkerüe assızıqlana.