Törek matbuğatına küzätü 27.06.2014

27nçe iyün könne basılıp çıqqan qayber törek gazetlarına küzätü

Törek matbuğatına küzätü 27.06.2014

“Yäni Şafak” gazetı bar dönyanıň iğtibarı Ğiraqta däwam itüçe bäreleşlärgä yünälgä waqıtta 2011nçe yılnıň mart ayınnan bügenge köngä qadär Süriyädä baruçı watandaşlar suğışınıň haman da tuqtamawın yaza.

Süriyä rejim köçläre miçkä bombaları ırğıtqan Halep şähärendä küp sandağı ğayepsez keşeneň yaqtı dönyadan kitüen citkerüçe gazet isän qaluçılarnıň isä tuğannarı mäyeten qoçaqlap, yılawın belderä.

“Sabah” gazetı “Hawada här kön yaňa rekord” isemle xäbärendä yaz sezonında küp keşe kilgän Atatörek hawa mäydanında berençe tapqır ber köndä 1300 oçqıçnıň kilep häm oçıp kitüen yaza.

Gazet 66 sekundtta ber oçqıçnıň quzğaluın yäisä oçıp kitüen, şul räweşle älege kürsätkeç belän tarixi rekordnıň quyıluın uquçıları belän urtaqlaşa.

“Habärtürk” gazetı ütkärelgän ber tikşerenü näticäläreneň Maslak TİM Center üzägendä oyıştırılğan tantanada açıqlanuın citkerä.

Gazet şirkätlärneň satış tabışlarına bäyle bularaq aqça bäylänşelärenä kürä bıyıl törek nformatika tarmağındağı 300 şirkätneň 2013nçe yılnı üseş belän tämamlawın assızıqlıy.

“Akşam” gazetı “Berençe tärawih, berençe säxär” isemle xäbärdä möselmannarnıň 11 aynıň soltanı bulğan Ramazan ayına qawışuın citkerä.

Möselman dönyasınıň comğa kiçen berençe tärawih namazın uqıyaçağın belderüçe gazet berençe uraza köneneň şimbä başlanaçağın xabär itä.

 


Etiketlar:

Bäyläneşle xäbärlär