Törek matbuğatına küzätü 15.06.2014

“Hürriyät” gazetı “Ğiraq köçläre xäbär birmiçä çigende” dip atalğan yazmasında Törkiyä tışqı eşlär ministrı urınbasarı Naci Korunıñ “Ğiraq Dimäşq İslam däwläte” oyışmasınıñ 10nçı iyünda Törkiyäneñ Musul baş konsullığın basıp aluı häm personalnı totıq itep aluınnan soñ ütkärgän mağlümat birü cıyılışında waqiğalarnı yaqınnan küzätep barğan Ankaranıñ dokumentlarnı yuqqa çığaru häm Törkiyägä kilü öçen äzerlek başlatu boyırığın birüen, läkin täräqqiyätlärneñ Ankaranıñ hiç uylamağanı kebek tormışqa aşuın añlatuın yaza: “Ğiraq citäkçelege baş konsullıqqa xäbär birmiçä xärbi köçlär belän politsiyanı baş konsullıqnı saqlawdan çikte. Politsiya häm ğäskär Musuldan kitep barğaç, baş konsullıq saqçısız qaldıq. Baş konsul Öztürk Yılmaz: "Saqlaw yärdäme bulmıy torıp kitä almıybız. Bina – uramnan tağın da imin xäzerge waqıtta”, - dip cawap birde”.

“Yäni Şafak” gazetı "Finansnı banklarnıñ idarä itüe yalğış” isemle yazmasında finans tarmağınıñ 90%ın banklarnıñ idarä itüenä iğtibarnı yünältüçe Törkiyä finans ministrı Mäxmät Şimşäkneñ, monıñ yalğış buluına basım yasap, Törkiyä şirkätläreneñ dä särmayä, kapital bazarlarına ireşüeneñ zarurlığın äytüen citkera.

“Akşam” gazetı “Qurqusız dublyor İstanbulnı teträtaçäk” isemle yazmasında: “Aziya ham Awrupa berläşkän iskitkeç İstanbulda bu nomernı yasawdan ülersäm, ükenermen!”, dip äytüçe dublyor Bello Bosfor bugazın yaqınnan kürü öçen tanılğan prodyusser Neil Mandt belän İstanbulğa kilä. Qıyu dublyor başqarırğa planlaştırğan, moñarçı hiç kürenmägän tamaşa belän böten dönyanıñ iğtibarı İstanbulda bulaçaq”, - dip yaza.

“Radikal” gazetı “Irğıtılğan batareykalarnı cıyğan maktäplärgä büläk” isemle yazmasında Törkiyäneñ Burdur cirle xakimiyäteneñ äydäp baruçanlığında oyıştırılğan ırğıtılğan batareykalarnı cıyu kampaniyasında iñ küp batareyka tuplap, moxitnı saqlağa sizgerlek kürsätkän mäktäplärgä büläklär birüen xäbär itä.