Törek matbuğatına küzätü 14.06.2014

“Akşam”gazetı Törek hawa yullarınıñ Ğiraq Dimäşq İslam däwläte oyışmasınıñ Ğiraqnıñ Musul qalasında kontrolne üz qulına aluı häm Ğiraqtağı totrıqsızlıq belän bäyle belderü yasawı turında yaza.

Gazet Törek Hawa Yullarınıñ Bagdat, Basra, Näcäf, Söläymaniyä häm Ärbil hawa mäydannarınnan tormışqa aşırılğan tariflı säfärlärneñ däwam itäçäge turında belderüen citkerä.

Xäbärdän kürengänçä, belderüdä” Älege säfärlärneñ oçqıçları tağın da zurraq oçqıçlar belän almaştırılıp , tağın da kübräk yulçı taşu tormışqa aşırılaçaq. Kiräk bulğan oçraqta östämä säfärlär belän yulçı taşu tä’min iteläçäk” diyelde.

“Yäni Şafak”gazetı “Totıqlarnı alaçaq maşinalar äzer” isemle xäbärendä Ğiraq Dimäşq İslam däwläte oyışmasınıñ Musuldağı Törkiyä konsullığına höcüm itep totıq itep alğan baş konsul Öztürk Yılmaz häm 49 xezmätkärne alaçaq Ğiraq nomerlı 8 avtobus häm 9 eskort djipnıñ Ärbildä kötüen belderä.

Gazet Törkiyä tışqı eşlär ministrı Äxmät Dawıtoğlunıñ totıqlarnıñ xälläre yaxşı buluı häm alarnıñ irekkä cibärelüe öçen bar köçlärenä tırışuları turında äytüen citkerä.

“Sabah”gazetı “Öçençe hawa mäydanı Germaniyanı qurquğa saldı” isemle xäbärendä Germaniyadağı Frankfurt hawa mäydanın eşlätüçe Fraport şirkäteneñ idarä şurası başlığı Stefan Schulteneñ Törkiyäneñ İstanbul qalasında tözeläçäk häm yılda 150 million yulçığa xezmät kürsätüne küzdä totıuçı hawa mäydanınıñ Frankfurt hawa mäydanı üseşen äkrenäytäçäge turında äytüen citkerä.

“Vatan”gazetı” Fänärbahçä ber adım alda”isemle xäbärendä Törkiyäneñ “Fänärbahçä Ülkär” komandasınıñ Beko basketbol ligasınıñ Play-Off finalınıñ bişençe matçında “Galatasaray Liv Hospital”komandasın 76-63 isäbe belän ciñep ,seriyädä 3-2 isäbe belän alğa çığuın belderä.