Törek matbuğatına küzätü 13.06.2014

 “Xäbär Türk”gazetı iqtisad säxifäsendä urın alğan ber xäbärendä xalıqara bazarlarda brent neftneñ miçkä bäyäseneñ artuı turında yaza.

Xäbärdä Ğiraqtağı waqiğalarnıñ neft bäyäläreneñ kütärelüenä säbäp buluı citkerelä.

“Star”gazetı “TÜRKSAT 4B iyärçene äzer” isemle xäbärendä Yaponiyada eşlängän häm eşläp çığaru belän sınap qarawlarda törek injenerları da qatnaşqan TÜRKSAT 4B iyärçeneneñ tögällänüen xäbär itä.

Gazet iyärçenne eşläp beterü uñayınnan Mitsubishi Electric (MELCO) firmasınıñ tantanalı cıyın ütkärüen belderä.

“Sabah”gazetı” Berençe milli iyärçen rampası” isemle xäbärendä berençe milli elemtä iyärçene TÜRKSAT 6A öçen qul quyuğa sanawlı könnär qalğanda berençe milli rampa yasaw öçen dä eşçänleklärneñ başlanuın citkerä.

“Akşam”gazetı “Bäräğät kiçäse” isemle xäbärendä İslam dönyasınıñ kiçä Bäräğät kiçäsen bilgeläp ütüe turında yaza.

Gazet mäçetlärgä ağılğan möselmannarnıñ gönahlardan arınu öçen namaz uquların häm doğa qıluların belderä.

“Vatan”gazetı “Yaqtılıq tizlegendä säfär mömkin bulaçaq” isemle xäbärendä Amerika Quşma Ştatları mili aviatsiya häm ğaläm idaräse NASAnıñ yaña industrial proyekt belän yoldızlar arası säfärneñ yaqtılıq, nur tizlegendä tormışqa aşa alaçağı turında belderüen citkerä.

“Milliyät”gazetı “Futbol macarası başlandı” isemle xäbärendä 20 nçe Dönya kubogın açu tantanasınıñ kiçä Braziliyada San-Paolo Arenada uzuın xäbär itä.

Gazet 600 sänğätçe qatnaşında uzğan şoudan soñ Braziliyanıñ Xorvatiya belän uynawın häm 3-1 isäbe belän ciñü yawlawın uquçıları belän urtaqlaşa.